Ӗнер, авӑн (сентябрь) уйăхĕн 27-мĕшĕнче, Ӗпхӳре, «Торатау» конгресс-холра Пушкăртстан Республикинчи Халăхсен туслăх çурчĕн «Манăн нумай нациллĕ çемье» проектăн пĕтемлетÿ мероприятийĕ – «Пушкăртстан - халăхсен çемйи» уçă дискусси площадки – иртрĕ. Республикăри Культура министерстви пĕлтернĕ тăрăх, проекта Çемье çулталăкне халалланă.
Туслăх çурчĕ Çемье çулталăкне халалланă дискусси лапамне тӗрлӗрен мероприятисем ирттерчӗ.
Мероприятие ĕç тăвакан власть органĕсен, администраципе муниципалитет тытăмĕсен, ПР Аслă духовенствин, Раҫҫей халӑхӗсен Ассамблеи, Раҫҫей халӑхӗсен Ҫурчӗ, «Тăван çĕршыв хÿтĕлевçисем» фонд филиалĕн представителĕсем, çарпа патриотизм тата казак обществисен ертÿçисемпе пайташĕсем, общество шухăшĕн лидерĕсем, республикăри наципе культура центрĕсен ертÿçисем, вуз ректорӗсем, ҫамрӑксем хутшăнчĕç.
Проект Наци ĕçĕсен енĕпе ĕçлекен федераллă агентство 2024 çулта уйăрнă федераллă субсиди шайĕнче, Раççейри Халăхсен çурчĕ тата Наци хутшăнăвĕсен сферинчи Ресурс центрĕ пулăшу панипе пурнăçа кĕнĕ.
«Пушкăртстан - халăхсен çемйи» мероприяти пленарлă ларуран (ӑна Пушкӑрт республикин культура министрӗн ҫумӗ Ильнур Мухьянов ертсе пычӗ) тата пилĕк тематикăлла площадкăран тăчӗ: «Çемье пуçĕ», «Çемье хаклăхĕсене сарас ĕçре тĕн пĕлтерĕшĕ, «Тăван çĕршыва хÿтĕлекен», «Тăван çĕршывăн мухтавлă ывăлĕсем - казаксем!», «Эсĕ пĕччен мар». Вĕсенче çемье институтне çирĕплетессипе çыхăннă çут ĕç ĕçĕн мелĕсемпе меслечĕсене лайăхлатас, Раççейри халăхсен çемье культурин йăли-йĕркисене упраса хăварас тата çĕнĕрен чĕртес ыйтусене сÿтсе яврĕç.
Мероприяти вăхăтĕнче «Пĕтĕм Ĕпхÿ» телеканалăн тата ПР Халăхсен туслăх çурчĕн «Вĕçĕ-хĕррисĕр юрату» телевидени проектне презентацилерӗҫ, нумай нациллĕ çемьесене чысларӗҫ. Пленарлӑ ларăва Пушкăртстанри культура министрĕн тивĕçĕсене пурнăçлакан Амина Шафикова пуҫларӗ.
Унӑн ӗҫӗнче Пушкӑрт республики чӑвашӗсен Канашӗн ертӳҫи, профессор Ирина Сухарева тата Пушкӑрт республики чӑвашӗсен Канашӗн Президиумӗн пайташӗ, «Салампи " ятлӑ Ӗпхӳри чӑваш хӗрарӑмӗсен Канашӗн ертӳҫи Вера Гаврилова та хутшӑнчӗҫ.
Мероприяти Марина Цветаева музей центрӗнчен Пушкӑртсен историпе культура центрне ырӑ сӗнӳсемпе тултарнӑ - куҫса ҫӳрекен юрта ( вӑл Пушкӑрт республики халӑхӗсен Туслӑх ҫурчӗ 30 ҫул тултарнине халалланӑ ) - куҫарса панипе вӗҫленчӗ.
Присоединяйтесь к ОК, чтобы подписаться на группу и комментировать публикации.
Нет комментариев