Предыдущая публикация
Таманно дорам, аз боло Худо сӯят назар созад,
Раҳоят аз ҳама ранҷу ғаму хавфу хатар созад.
Набинад кош барги мижаҳоят ашкшабнамро,
Ба қалбат завқу шодиву ҳавасҳо бештар созад.
Тамоми дард аз даргоҳи ободи ту бигрезад,
Тамоми ранҷу ғам аз хонадони ту ҳазар созад.
Илоҳо обрӯю эътиборат хуб афзояд,
Худо ҳарҷо ки бошӣ, байни мардум мӯътабар созад.
Тамоми дӯстонатро ба бахат шод гардонад,
Тамоми душманонатро ҳақиру дар ба дар созад.
Муборак бод ҷашни зодрӯзат, хоҳарам Наргис
Ба умрат зам азизам, кош сад соли дигар созад.
Ғайратҷон Ҳотамӣ
Следующая публикация
Комментарии 1