(Кыска аңгеме)
Бир жолу бир падыша шаардын көчөсүндө жан жөөкөрлөрү менен кетип бара жатып кайыр сурап жаткан эки адамга кезигип калат...
Кайырчылардын бирөөсү ордунан тура калып падышаны тааныгандыгынан.
-Оо улуу урматтуу падышам мага ырыскы берип мени бай кылуучу да өзүңүз мага ырайым кылып кичине акчаңыздан таштай кетпейсизби?" -деп падышага кайырылып кыйкыра баштайт.
Жанында отурган кайырчы:
-"Кой антпе !.. Ырыскыны Жараткан Кудай берет ...Бай же кедей кылуучу да ошол Зат Кудайдан корк !" -деп тигинин эсине келтиргенге аракет кыла баштайт.
Ат үстүндө кетип бара жаткан падыша алардын сөзүн угуп токтобостон өтүп кетет... Кечинде сарайында жатып тигил ырыскыны "Кудай берет, падыша бербейт"- деген кайырчынын сөзүнө тырчый түшүп аны окутуш максатында бир нандын ичине алтындын куймасын салдырып бышырууну буйрук кылат....
Падыша эртеси ошол нанды жанына алып баягы кайыр сурап отурган кайырчылардын көчөсү менен жөнөйт....
Анан кайырчылардын жанынан өтүп бара жатып тиги "Ырыскыны сен бересиң"- деген кайырчыга жанагы нанды таштап кетет....
Ошол күнү алтынды тапкан кайырчы:"Мына көрдүңбү ырыскыны падыша берет"-деп тигил "Кудай берет"- деген кайырчыга мактанып жатканын элестетип, падыша күнү бою жакшы маанайда жүрөт.
Эртеси тигил Кудайдан үмүт кылган кайырчынын ахвалын билиш үчүн алар отурган көчөгө жөнөйт...
Ал көчөгө жеткенде көргөн көзүнө ишенбейт.
Кечээки алтын катылган нан берген кайырчы, кайыр сурап отурат да беркиси жок.
Жанына жетип барган хан:
-"Сен дагы деле отурасыңбы ? Мен сага кечээ алтыны менен нан бербедим беле ? -десе тигил шорду:
-"Оо падышам аны мага айтып койсоңуз болмок да, наныңыз оор болгондуктан бышпаган нандын мага эмне кереги бар"- деп, тигил келесоого бир динарга сатып жибергем. Эми мага дагы ошондой нан бербейсизби?" -деп жалдырай баштайт.
Анда падыша:
--Сен эмне уккан жоксуңбу ырыскыны Кудай берет!
Мындан кийин тигил шеригиңе окшоп Кудайдан тиленип жүр!-деп атын бастырып кеткен экен.
Ооба биз бул жашоодо алсыз бир жолоочубуз....
Андыктан бир гана Жаратканга таянып, андан үмүт кылып жардам сурап жакшы тилек кылалы....
Элибизде деле: ''Кудай деген куру калбайт''-деген жакшы сөз бар...
Присоединяйтесь к ОК, чтобы подписаться на группу и комментировать публикации.
Комментарии 3