ՀԵՐՄԻՆԵ ԱՎԱԳՅԱՆ

ՕՐԱՑՈՒՅՑԻՑ ՊՈԿՎԱԾ ՕՐԵՐ
Քաղաքը նորից
լույսերի մեջ է․
թակում է պատուհանս,
ուզում է ասել, որ
եկել է,
ամեն ինչ առաջվանն է
ու պետք է սկսել նորից․․․
Ես նրան ասում եմ,
որ գնա,
որ էլ երգ չունեմ
նրա համար․
բառերը հեռացել են
մի քանի ամիս առաջ
և չեն ասել, թե երբ են գալու․․․
Ասում եմ՝ գնա,
նայում է աչքերիս,
թակում է պատուհանս․․․
քաշում եմ վարագույրը,
փակում եմ ականջներս,
էլի թակում է,
սրտիս մեջ է հիմա էլ թակում,
չի ուզում գնալ․․․
Ես չգիտեի,
որ քաղաքն այսքան հավատարիմ է ինձ․․․
ՀԵՐՄԻՆԵ ԱՎԱԳՅԱՆ
Ստեփանակերտ 2021
Մեքենագրեց՝
ԱԲՐԱՀԱՄ ԳԱՆՏԻԼԵԱՆ
14. 11. 2022