Предыдущая публикация
ՆԱԶԵԼԻ ԹՈՐՈՍԵԱՆ
Թող ես ըլլամ բալասան`
Հոգւոյդ կանգնած թախիծին,
Սրտիդ ծանրացած վիշտերուն,
Դէմքիդ քանդակուած արցունքին։
Թող ծիածանուի քո կեանքը,
Ոսկէ շողով արեգին,
Վառ ժպիտով նոր օրուան
Եւ երփներանգ աշունին։
Թող որ ցողա քո դէմքին,
Վառ ժպիտը գարունքին,
Սիրոյ հուրը հրածին
Թող ողողէ քո հոգին։
Թող միաձուլուի քո սիրտը
Քո կեանքի սէր էակին,
Որ կապուիք լոյս յաւերժի`
Անբաժան սուրբ խորանին։
Թող այս երգը բալասան,
Նեկտար դառնայ այն վէրքին,
Որմէ անվերջ կը հոսէր`
Բոսոր արիւնը կործանիչ։
ՆԱԶ
Следующая публикация
Нет комментариев