Предыдущая публикация
Соғиниб яшайман , қолмади даво ,
Омонат борлиғин этмади раво ,
Шунчалар кўпмикан қилган гуноҳим ,
Сени тақдиримга ёзмади Худо .
🍂🍂🍂🍂🍂🍂🍂🍂🍂🍂
Ортиқча меҳрингдан берса розийдим ,
Эрталаб уйғотар тонгинг нозийдим .
Ҳали бирон булбул гулга айтмаган ,
Таърифингни куйга солган созийдим .
🍂🍂🍂🍂🍂🍂🍂🍂🍂🍂🍂
Жимгина яшашга бўлмайин ризо ,
Асранди ёдларинг чиқарар низо .
Ҳуснингга мубтало этиб соғинчлар ,
Тира кўзларимга беради жазо .
🍂🍂🍂🍂🍂🍂🍂🍂🍂🍂
Севиб , севилмасдан қийналар жоним .
Сенсиз бўшлиқларда жон берар оҳим .
Сабр бардошимни имтиҳон қилар ,
Ёлғизликка маҳкум этган Оллоҳим .
🍂🍂🍂🍂🍂🍂🍂🍂🍂🍂🍂
Нимжон ишончларим судралиб яна ,
Бошингга тож қўймоқ бўлади мана .
Мудроқ кечаларим гумон сандиғин
Титкилаб , қўлларин қилади яра .
🍂🍂🍂🍂🍂🍂🍂🍂🍂🍂🍂
Чорлаб ҳузурига илҳом сўзларни
Таърифингни достон қилган бўзларни .
Тараннум этма деб норози ҳоқон ,
Жаллодга ўйдирар шеърий кўзларни .
🍂🍂🍂🍂🍂🍂🍂🍂🍂🍂🍂
Наҳот тақдиримга ёзилмас бўлдинг ?
Юзимга ойларнинг доғини ўйдинг .
Қизғанмай , насибам бўлмасин дея
Менсиз рўйхатларга имзолар қўйдинг ?
🍂🍂🍂🍂🍂🍂🍂🍂🍂
Балки ҳоҳишингсиз , излаб овунчоқ
Бўйли ҳидларингдан бўлиб эринчоқ ,
Қароқчи рақибга этилар асир -
Мен учун очилган сендаги қучоқ .
🍂🍂🍂🍂🍂🍂🍂🍂🍂🍂
Соғиниб яшашдан бормикин даво ?
Бор бўлса , илтимос , айлагин раво .
Гуноҳим савобга қилардим фидо ,
Сени тақдиримга ёзсайди Худо !!!
🌿🌿🌿 Одно безориси 🌿🌿🌿
Следующая публикация
Нет комментариев