Предыдущая публикация
5 жніўня 2021 года адбыўся велапаход па маршрутах «Чараска-Ельнянскi пярсцёнак» і «Сцежкі Мёрскага краю», а таксама прайшла прэзентацыя маршрутаў.
Па прапанове нашай ініцыятывы, кіраўнік ініцыятывы «Спадчына Мёрскага краю» Вітольд Ермаленок вырашыў разам з сябрамі гуртка «Арганаўты мінулага" распрацавалi новы аднадзённы маршрут па родным краі, а таксама паездку па нашаму маршруце «Сцежкамі Мёрскага краю». Новы маршрут "Чараска-Ельнянскi пярсцёнак" з аднаго боку часткова паўтарае маршрут "Сцежкамі Мёрскага краю", а з другога боку стане яго развіццём, працягам для развіцця веласіпеднай сеткі маршрутаў роднага краю. Гэта дазволіць "Сцежкамі Мёрскага краю" стаць сеткавым маршрутам, ад якога змогуць адгаліноўвацца новыя маршруты, што ўмацуе ўстойлівае развіццё роварнага турызма ў рэгiёне.
5 жніўня ня гледзячы на дажджлівае надвор'е роварная паездка паспяхова была здзейснена. Агульная працягласць паходу склала 45 кіламетраў.
Адной з кропак веласіпеднага падарожжа стала аграсядзіба «Жураўліная Ельня», на базе якой для ўдзельнікаў мерапрыемства была сумесна падрыхтавана і праведзена краязнаўчая прэзентацыя двух ініцыятыў, у рамках якой Вітольд Антонавіч распавёў аб гістарычнай спадчыне, якое можна будзе сустрэць па маршрутах "Чараска-Ельнянскi пярсцёнак" і "Сцежкамі Мёрскага краю", а Андрэй Жоржавiч правёў экскурс аб разнастайнай навакольнага прыродзе і яе фауне, якую можна будзе ўбачыць на абодвух маршрутах.
Ініцыятыва рэалізуецца cацыяльна-экалагічнай установай "Захаванне і развіццё Ельні" разам з партнёрамі ў рамках праекта Разам для грамады і прыроды: Мiёрскi раён пры фінансавай падтрымцы Прадстаўніцтва Еўрапейскага саюза ў Беларусі
Следующая публикация
Нет комментариев