Предыдущая публикация
Дунёнинг ташвиши бизга қолмаган,
Бизни лақиллатма дунёи беҳис.
Ким севги наҳридан олса бир лаган,
Ўшал зот коинот мулкида тенгсиз.
Ўткинчи ҳисларга алданма юрак.
Вужудинг – омонат, руҳинг – абадий.
Энг гўзал лаҳзада чорлаганда Ҳақ.
Сени олиб кетсин илоҳий бир куй.
Бу бахтга етмоқлик ҳар кимга хосмас.
Ҳар дилдаги ҳавас бўлмас муҳаббат.
Коинот мулкидан – Ҳақ берган хас бас,
Шу хасдир аслида асл ҳақиқат.
Девона бўлмасдан билмассан васл,
Шу оний лаҳзадир сен интилган он.
Сен ўлмайсан, сени этади қатл,
Гўзал муҳаббатдан нурланган имон!
Следующая публикация
Нет комментариев