2- бўлим.
1 - 2 - қисм.
Ҳамма кетгач Фирдавс жуда яккаланиб қолди. Кап~катта йигит бўлса хам ёмон таъсир қилди унга. Ҳолбуки оҳирги пайтлар Жамшидни анча тумшуғи кўтарилиб, Фирдавсни кўп назарга илмай қўйганди... Барибир дўсти экан, ичи ёмон ачиди. Кўчада Жамшидни онасини, Носирни бувисини кўрса кўзини қаерга олиб қочишни билмайди. Ҳудди уларни қамалишида ҳиссаси бордек. Онасини норози қилиб ташлаб кетган бўлса ҳам Салоҳиддинни онаси ёмон куйди. Боласи эканда. "Сени қарғагунча тилим кесилсин. Ўзингни асра болам" деб маҳбусларни олиб кетгунча роса йиғлади. Баҳри бувини~ку шифокорлар олиб кетишди. Носир билан Салоҳиддин ҳам йиғлашдан бери бўлди яқинларини кўриб. Фақат Жамшид қилт этмади. Онасига қарамади ҳам. Бунинг устига кўп айбни бўйнига олиб, дўстларидан кўра кўпга кесилди. Уч йигитни яқинлари бошлари эгилиб кўз ёш билан суд залини тарк этишди.
- Қачон беш йил ўтади,- деб дод солди Носирни бувиси муддатни эшитиб.
Фирдавсни юраги сиқди. Қизиқ дўстлари қамалгандан бери соатларни юргиси келмай, вақт тўхтаб қолди гўё. Бир ҳафта, икки ҳафта... Ой тўлиши қийин бўлди... Аммо барига вақт даво деганлари тўғри экан. Кунни кўпи билан, йил тўлди. Кўзлардаги ёшлар қуриди.
🌹
Яна пахта терим бошланди. Фирдавсни шийпонига Бу гал четдан ҳам теримчи қизлар келишди. Фирдавс шунақа четга чиққан пайти баъзи қизларни ўзини тутолмаслигига жаҳли чиқарди. Янги теримчилар энди келганда, дала айланиб юрган пайти феълини билмаганлар гапга тутиб, ҳатто нозланиб қоларди. Аммо тез орада, тилидан заҳар томим турадиган йигитдан кўнгиллари қоларди.
- Бу туришда Бўйдоқ ўтиб кетасиз,-дерди, терим бошидан охиригача юрадиган амакисини хотини.
- Билмай қолдим, овсин,- бир куни онаси ҳам ҳазрат ҳалтасини очиб қолди,- отасига акасини уйлантирсак, буни ҳам қўшайлик деб турибман. Ўзи қайсарлик қиляпти. 23 ёш ҳам бўлади, десам. Ҳали яна уч~тўрт йилдан кейин уйланаман дейди. Жаҳонгирни қизи тайёр. Тошкентлик.
- Ҳа, яхши.
- Шунга, Фирдавсга ҳам битта меҳнаткаш, қўлида биронта ҳунари бор қиз топишимиз керак. Қишлоқ қизларини теримда кўрасиз~ку, йўқми шунақаси.
Фирдавс эшитиб ўтириб онасига қараб, кулгиси қистайди. Онаси ўғлини гўнг ҳидидан бошқасини билмайди деб ўйласа керак. Доим тенгини рўзғордан бош чиқармайдиган қизлардан қидиради. Яна онасига ёққани кўпинча, ҳунуккина ва кўча~кўйда ҳам энса оқириб юрадиган қизлар бўлади. Авваллари бундан жаҳли чиқарди. Ҳозир кулиб қўя қолади. Онасини шу гапидан кейин генералдан буйруқ олган аскардек, янгаси кучли ишга киришди. Ҳар куни далага чиққан қизларни камида ўнтаси ҳақида маълумот беради. Фирдавс ҳам бош қимирлатиб эшитиб ўтиради. Ҳеч бири маъқул келмайди. Янгаси эса четдан келган теримчи қизларни ҳам гапга солиб, юзини кўриб, манзилини сўраб оларди.
- Анави кўк кўйлаклик *қишлоғидан. Бўлмайди. Ғирт ҳапал экани юриш~туришию, этакка пахта солишидан маълум. Наригиси, ана қизил рўмолли, тили икки қарич экан. Шунақасини олсанг борми?...
Фирдавс эшитиб- эшитмай ўтирарди. Уни дарди далани тозалатиб олиш бўлгани учун қизларни изидан тинмай айланиб юрарди. Биронтасига қайрилиб ҳам қарамасди. Қизларни пахтасини теримига қараб эслаб қоларди.
- Олтинчи номер.
- 20,- деди озроқ етмаса ҳам,- шу қизни пахтасини устига ортинглар. Сен оҳирроғида кел,- деди тоза теришини билиб олган қизга.
- Ҳўп,- деди қиз.
Қиз қолганларга нисбатан кам, лекин жуда тоза ва жўядаги чаноқларга ҳам бирчигит пахта қолдирмай терарди.
- Сенга ўхшаган юзта теримчим бўлса зўр бўларди,-деди бир куни кайфияти яхшилигида қизни мақтаб.
- Бизга ўхшаганчи?- ёнидаги аёл гапга қўшилди.
- Сиз иложи борича кейинги йил келманг.
Фирдавс ўтиб кетди. Аёллар чувиллашиб кулишиб қолишди.
- Шу бола фақат Севинч сени мақтайди,- деди қизлардан бири кейин.
- Фермерда фойдаси текканни яхши кўради.
- Ўзини яхши кўрмаса бўлди,- қиқирлади бир қиз.
- Яхши кўрса нима қилибди, гулдек қиз.
Фирдавс узоқдан аёлларни гапини эшитиб тиржаяди. Буларга гап бўлса бўлди.
- Мен уйланмайман ҳали,- деди навбатдаги "мажлис" да Фирдавс.
- Нега? Ҳа бирон айбинг борми?- шанғиллади аммаси.
- Бор.
- Вой ўлай нима?- онасини тили айланмай қолиб айтолмаган гапини холаси айтди.
- Дўстларим йўқ. Ҳеч бўлмаса Носир билан Салох чиқсин.
- Яна тўрт йил кутасанми?
- Ҳа, она. Акамни уйлантираверинг.
Фирдавс туриб кетди. Аммо онаси бу гапни отасига айтишини ва яна битта жиддий мажлис бўлишини биларди.
- Ўғлингизни бир тергаб қўйинг. Тўйни тезлаштирайлик.
Фирдавс кутганидек онаси дастурхон устида ўғлини айбини айтиб чимирилиб ўтирарди.
- Агар ҳали уйланишни истамасанг, ўзинг биласан,- отани гапи киноями йўқми билмай қараб қолди Фирдавс- сени тўйингни кейин ҳам қилаверамиз.
- Ҳазиллашяпсизми, дадаси?- онаси ҳам яхши тушунмади гапга.
- Йўқ. Ўзи менга ҳам маъқул эмасди иккита тўй.
- Ҳаражатичи? Анча нарса битта бўлиб ўтарди.
- Ана ишлаяпти, ўзи кўтаради ҳаммасини. Жаҳонга айт ортиқча орзу ҳаваси бўлса ўзи пул топсин. Биз эл қатори тўй қиламиз. Бу гал Фирдавсни ҳўкизларига индамаймиз.
-Эйе ҳўкизни сотмасак қандай тўй қиламиз?!- деди онаси ҳайрат билан.
- Далани пули бор. Қўйлар бор. Битта тўйни бемалол ўтказади. Лекин ўғлинг фалон артистни олиб келмоқчи бўлса, ўзи пул топсин. Машиналарга ҳам.
Ота гап тамом деб туриб кетди. Фирдавс отасига ҳайрат билан қараб қолди. Доим Жаҳонгирни ўйлайди деб юрарди. Қизиқ у ҳам қизиқтирар экан отасини.
Шу билан мавзу ёпилди. Онаси қанча ҳаракат қилмасин тўй битта бўладиган, Жаҳонгир аразлаб кетиб қолса ҳам ҳўкизлар сотилмайдиган бўлди.
- Кетиб қаёққа боради,- деди ўғлини изидан ота,- бизни вазифамиз тугади. Буни ўқиб чиқиши учун ҳеч нарсадан кам қилмадик. Мана энди навбат Фирдавсга. Далани тўйдан кейинги фойдасини ҳаммаси уники. Бундан кейин пул керак бўлса Жаҳонни ўзи ишлаб топсин. Отасини битта одати бор. Айтдими қайтмайди. Шуни яхши билгани учун ҳам, Фирдавс сира тортишмаган. Акаси ҳам билади. Шу сабаб индамай қайтиб келди. Нима ортиқча нарса қилса қарз кўтариб ўзи қилди. Фирдавс "иши" эса бир қанча вақтга ёпилди.
Фирдавс тўйга терим қизғин пайти бўлгани учун кўп аралашолмади. Далани назорат қилиб турарди.
Бир куни шийпонга қайтар экан, олдидан бир нексия ўтиб кетди. Бегона эканини дарҳол сезди. Қадамини тезлаштирди. Етиб борганида нексия эгаси ўша "тоза теримчи" қиз Севинч билан гаплашар, Севинчни кўзлари қисилиб, асабий турарди. Фирдавс етиб бориши билан "келгинди йигит" Севинчни қўлидан ушлаб олди.
- Торт қўлингни,- силтаб ташлади Севинч.
- Ҳа тинчликми?- Фирдавсни овозидан иккиси ҳам ўгирилиб қаради.
- Фирдавс ака, ҳеч гап йўқ. Бу киши қариндошим,- деди Севинч негадир ўзини айбдор кўрсатиб,- мени кўргани келибди.
- Қўлингдан нега тортқилаяпти унда?- овозини бир тон кўтарди Фирдавс. Чунки йигит унга синчиков қараб турарди.
- Юринг, ичкарида тушинтириб бераман,- қиз кутилмаганда Фирдавсни қўлидан тортқилаб шийпон эшиги томон тортқилади.
- Йигитим бўлиб туринг,- деди ичкари киришлари билан Фирдавсни қўлини қўйиб юбориб.
- Унда анавини ҳозир пачағини чиқаришим керак экан,- Фирдавс изига қайтди,- сенга нима керак? Сира қариндошига ўхшамаяпсан.
- Узоқроқ қариндошим,- Севинч яна чиқди,- ва кетяпти.
- Қариндошинг менга ёқмаяпти.
Йигит Севинчни ёнида тоғдай бўлиб турган Фирдавсга бир қараб, машинасига минди.
- Аҳмоқ,- деди Севинч уни изидан қараб қолар экан бўзариб. Кейин Фирдавсни ҳам унитиб шийпон ичига кириб кетди. Изидан елка қисганча Фирдавс кирди.
Шу гапдан кейин негадир Севинчга нисбатан унда қизиқиш пайдо бўлди. Аввал терим ҳақида бир~икки оғиз гапирган бўлса, энди суҳбатлари сал чўзиладиган бўлди.
- Шу қиз ёқдими?- шпион янгаси бундан хабар топмай қолмади,- гаплашайми?
- Йўқ.
- Боя тиржайиб гаплашаётгандинг.
- Тиржайиб гаплашсам уйланавераманми?
- Мени шунча тентак қилганингга шу қизни севиб қол.
- Амалга ошмайдиган дуои бад қилдингиз.
Фирдавс янгасини гапини эшитмай юриб кетди. У Севинчга янгаси айтганчалик ёқтириб қолмаганди. Ўша кунги йигит кимлиги, нега йигити бор қилиб кўрсатгани шуларга қизиқди холос. Севинчни айтишича у йигит билан бир пайтлар гаплашган. Йигит эса бошқасини топиб кетган.
- Гаплашиб ҳам, учрашиб қўл ушлашиб юрмаганман. Телефонда гаплашардик. Мен содда, севишиш қандай бўлишини билмабман. У кечқурун уйингга бораман деса чиқиш керак экан. Севаман деб айтмасидан, изҳорларга кўмиб ташлашим керак экан. Учта укам бор, акадан баттар, мени доим қўриқлаб юришарди. Ҳуллас бир йилча гаплашдик. Кейин у билан гаплашибди, бу билан гаплашибди деган гапларни эшитавердим. Бошида тан олмади. Кейин рақами ўзгартириб йўқ бўлиб қолди. Кўп ўтмай бошқа бировга совчи қўйганини эшитдим. У тўртинчи курсни битирганди. Мен эса иккинчи курс эдим.
Уйланишим керак сен эса ҳали ёш деди бир гал учрашиб қолганимизда. Энди эса у қиз ҳам, яна бир~иккита ўқиган қиз тегмаганига менга ёпишиб олди.
- Ўқисанг, нега бу ерда юрибсан.
- Ўрнимга одам жўнатганман ўқишимни "пахта"сига. Шунга холам ва қизлари билан кўпроқ пул бўлади деганга ташкилот ишчиларини ўрнига ёлланиб келдим. Ҳар қалай ўн кун уйда, ўн кун бир ишчини, ўн кун бошқасини ўрнида юраман. Ҳам терган пахтамни пулини, ҳам ёлланма бўлганим пулини оламан.
- Ҳа... Энди безовта қилмаяптими?
- Йўқ, чунки сизни йигитим деб айтдим,-кулди Севинч.
- Ҳа, яна безовта қилса айт телефонда ҳам текислаб бераман.
Севинч Фирдавсни қизлардан орттирган биринчи таниши бўлди. Терим тугагунча анча иноқлашиб қолишди. Кейин теримчилар кетишди.
Бу Фирдавсга қилча ҳам таъсир этмади. Бошида ҳар замонда эсига тушадиган Севинч бориб~бориб ёдидан чиқди.
Уни бошқа ташвишлари ҳам етарли эди. Акаси уйланиб маълум муддат Тошкентдан яшагач қайтиб келди. Ўзларини шаҳар марказида ишга жойлашди. Хотини гапни кўпайтиравергач, ижарага уй олиб чиқиб кетишди. Онасини жуда дили оғриди.
- Болангни боқиб катта қилар экансан, рангига термулиб умринг ўтганини ҳам сезмай қолар экансан. Кейин мана бундай биттаси келиб, кун бермайдиган жодугарга чиқар экансан,- деди маҳзун бўлиб.
- Ҳафа бўлманг она. Мен сизга айтган гапингиздан чиқмайдиганидан топаман,- деди Фирдавс ҳазиллашиб.
- Ўқиган бўлмасин фақат,- деди онаси гапини жиддий олиб. Фирдавс кулиб қўйди. Ўқиган тегармиди унга.
Акаси билан янгаси болали бўлгач, яна қайтиб келишди. Иши тушгач, келин ҳам озроқ муроса қилган бўлди. Аммо оиладаги тинч муҳит барибир бузилди.
Болани чилласи чиққан пайтлар айни пахта терим бошига тўғри келди.
Яна теримчилар келиб шийпонга жойлашди. Қизғин терим бошланди.
- Ўттизинчи номер,- Фирдавс ўзига таниш овозни эшитиб, юзини рўмоли билан ёпиб олган қизга қаради.
- Олтинчи номердан ўзгардими?
- Ҳа, бу гал ўттиз,- жавоб берди қиз.
Фирдавс шу куни қадрдон инсонини топиб олгандек хурсанд бўлиб кетди. Қиз билан анча гаплашди. Севинч тўртинчи курсга ўтибди. Ҳамон боши очиқ экан.
- Совчиларинг кўпдир?
- Йўқ эмас, лекин менга ёқмаяпти.
- Анавичи?
- У ҳам қўйяпти. Фақат мен йўқ деяпман.
Йигит бош ирғаб қўйди. Негадир хурсанд бўлди, у ҳалиям турмушга чиқмагганидан. Аввалгидан ҳам тез~тез ёнига келадиган, деярли ҳар куни пахталарини чиқариб берадиган одат чиқарди. Буни атрофдагилар сезмай қолмади албатта.
- Бизни гап қилишяпти,- деди Севинч бир куни Фирдавсга.
- Қилаверишсин. Барибир ҳар ёққа тарқалиб кетасизлар.
- Барибир яхши эмас,- кўзларини ердан узмасди Севинч.
- Унда, сенга совчи қўяман,- миясига келган фикрни айтиб юборди Фирдавс.
- Эээ, боренгей.
- Нима тегмайсанми?
Севинчни юзи очиқлиги учун икки юзи қизариб кетди.
- Икки~уч марта пахтамни чиқариб берсангиз тегиб кетавераманми?
- Агар билсанг, йўлингга туриб гул берадиганлардан ишончлиман.
- Бўпти, кетдим. Хотинлар яна бизга қараяпти.
- Аммо ўйлаб кўр.
Севинч жавоб бермади. Фирдавсни ҳазиллашяпти деб ўйлаганди. Шунинг учун эртаси куни яна шу мавзуда гап очганига ҳайрон бўлиб қолди.
- Ўйлаб кўрдингми?
- Нимани?
- Совчини.
- Ҳалиям ўйлаб юрибсизми?
- Ҳа. Ота-онанг биронтага бериб юбормасин дейман~да.
Севинч рост ёлғонлигини билиш учун Фирдавсни кўзларига термулди. Бу кўзларни жиддий боқиб туриши қизни юрагини ҳапқиртириб юборди.
- Ҳалиги... Мен...
- Ҳазиллашмаяпман. Сен рози бўлсанг, совчи қўярдим.
Кўзларига қараб айтилган тик изҳордан Севинч терга тушиб кетди.
- Энди жиддий ўйлаб кўр.
- Ота-онам бир қишлоқ нари беришмайди,- деди Севинч гапни шу ерда ёпиш учун.
- Қишлоқларимиз жуда яқин~ку.
- Барибир, шундай дейишган.
- Ўзинг нима дейсан?!
- Ота-она нима деса шу.
Фирдавс ўша куни индамай кетди~ю, эртаси кунидан қизни атрофида кўпроқ пайдо бўла бошлади. Севинчда ҳам ғалати бир ҳис пайдо бўлганди. Эрталаб эртачи кўзи очилиб кетар. Негадир дала томон шошиларди. Эрталабки тоза ҳаводан ҳам кўра уларни қаршилаб келган Фирдавс кўнглини ёриштириб юборарди. Фирдавсни ҳам қизни кўриши билан беихтиёр чеҳраси очиларди. Қиз пахта теришга киришиб кетгач, изидан Фирдавс келишини кутарди. У келиб бир оз гапга солиб кетгач, юраги ўзгача бир ҳисга тўлиб қоларди.
- Севиб қолдинг,- деди бир кун холасини қизи Нодира.
- Шунақами. Анави Жобир билан гаплашган пайтим сира бунақа ҳаяжонланмасдим. Фирдавс келса, оёқ~қўлимга титроқ киради, ишонасанми?
- Войей. Унда айт совчисини қўйсин.
- Қўяман деяпти. Эрта кетаман~ку. Мен аввал уйлади вазиятни билай.
- Оҳҳо жуда жиддийлашиб кетибсиз~ку.
- Билмасам, Фирдавс ака ёнимда турса кучли ҳимоя сезаман,- жилмайди Севинч.
- Ҳа, тоғдай бўлиб тургандан кейин сезасанда ҳимоя.
Қизлар баравар кулиб юборишди. Ҳамма кечки овқатни **** бўлиб, ўзаро суҳбатга берилиб кетган пайти, Севинчни телефонига Фирдавсдан смс келди. " Шийпон орқасига кел, гапим бор".
Севинч атрофдагиларга бир қараб, ўрнидан турди. Телефонига антенна қидирган одам бўлиб, шийпон орқасига ўтди.
- Севинч,- қоронғу бурчакдан Фирдавс чиқиб келди.
- Нега чақирдингиз?- деди қиз шивирлаб.
- Ўзим, кетишинг олди, бир гаплашай дедим.
- Далада гаплашдингиз~ку. Яна қандай гапингиз қолиб кетди.
- Уйингга боришинг билан совчиларим боради.
- Ҳимми,- деди Севинч ерга қараб.
- Ўқимаган деб рад қилишмайдими?
- Мени уйдагиларим унақа эмас.
- Ўзингчи? Деҳқонга тегмайман демайсанми?
-...
- Сал бери кел,- Фирдавс жавоб бермаган қизни қўлидан ушлаб, ўзига тортди.
- Нима қиляпсиз?- Севинч қўлини силтади-ю, тортиб ололмади,- қўйиб юборинг,- деди таҳдид билан.
- Нега қўрқасан? **** қўймайман,- Фирдавс қизни белидан ушлаб ўзига тортди. Буни кутмаган қиз, Фирдавсни юзига тарсаки тортиб юборди.
- Ким деб ўйлаяпсиз?- бу гал йигит уни ушлаб қолмади. Севинч кўзида ёш билан изига қайтди. У Фирдавсни бундай қилади деб ўйламаганди. Чунки қиз уни мардлигини севганди. Бошқача тасаввур қилганди. Кўз ёшини ичига ютиб ўрнига кириб жойлашиб олди. Бир~бирларини ўтган мавсум таниганлари билан, кўнгиллари кўнгилларига тушганига энди бир ой бўлди. Шу вақт ичида Фирдавсда бирон қусур кўрмаганди. Аммо йигит уни енгилтак деб ҳукм чиқаришга улгурган экан.
Севинч асабийлашиб кечаси билан, ухламади. Шаҳарга қайтиб телефонини ўчириб қўйди. Жуда алам қилди. Фирдавс эса хурсанд эди. Қизни синаб кўрганди. Носир айтарди. Қизлар бир "қўлга" ўрганса кейин сесканмай қўяди деб. Севинч қўл тегмаган кийикдек қочиб кетди. Камига юзига тарсаки туширди.
Аммо бир кун ўтиб иккисини ҳам нохушлик кутиб турганини билишмасди. Фирдавс қизга тушолмай ҳуноб бўлса, Севинч отаси Жобирга бермоқчи эканини билиб юраги орқасига тортиб кетди. Аразини ҳам унутиб Фирдавсга қўнғироқ қилмоқчи бўлди. Бироқ ғурури йўл қўймади. "Мени турмушга беришмоқчи" деган смс ёзишга қарор қилди оҳири. Смс ёзиб яна шартта телефонни ўчирди.
Икки соат ўтиб ёқди. Фирдавс неча марта телефон қилиб, неча марта смс ёзибди. Телефони қўшилиши билан яна чиқди.
- Совчиларим йўлга чиқди,- деди йигит қизни "ҳунарларига" тўхталиб ўтирмай.
- Ҳимм.
- Кечга телефон қиламан.
Севинч алоқа узилгач, телефонга қараб қотиб қолди.
- Бўлдими? Бошқа гапи йўқми бу одамни. Тавба.
Севинч гарчи Фирдавс ҳарактерини икки йиллик терим туфайли яхши билиб олган бўлса ҳам, ҳозирги қилиғига ҳафа бўлди:
- Бекор қиляпманми? Холам оиласини, Фирдавсни яхши дегани билан, яхши биламан дегани билан... Ўзим ҳам феълини билиб олдим~ку. Шу чапани экани ҳам ёқди. Лекин холам айтгандек, тўйдан кейин меҳрибон эр бўлмаса, янги уйда яшаб бўладими? Фирдавс қўполгина бўлса...
Қиз гоҳ йигитга эрта розилик бериб қўйдим, гоҳ Фирдавс яхши йигит, гоҳ ёмон йигит ўзи билан ўзи ҳаёлан тортишиб турган пайт, синглиси совчилар келганини айтди.
Шу билан ҳаёлий саволлар жавоби аниқ бўлди. Қиз жон дили билан Фирдавсни совчиларига розилик беришларини истай бошлади. Улар кетгач, онасини оғзини пойлади. Қизиқ бошқа совчилар келса, "ким экан, ўғлини оти нимайди, у менга ёқмайди" деб бемалол айта олса, ҳозир ҳатто сўролмади. Яхши ҳам синглиси қизиқди.
- Она бугунги совчилар қаердан экан?
- Ээ, айтишга ҳам арзимайди, йўқ деб юбордим.
- Дадамга айтмайсизми?
- Айтишга арзимайди дедим~ку.
Севинч жойида музлаб қолди. Онаси ҳатто ундан сўрамади. Аммо жаҳли чиққани кўриниб турарди.
- Келиб ~келиб деҳқонга бераманми? Гектар~гектар ерлари бор деб мақтанади. Ўргилдим... Мен қизимни ўқитиб, дала қўриқчиси қилиб бермайман.
Она қизини юз~кўзидан йигитга кўнгли борлигини сезди. Бироқ бир ойда қўйилган кўнгил нима бўлар эди, дея қарорини ўзгартирмади. Ҳатто эрига ҳам айтмади. Жобирни совчилари яна келса бермоқчи эди. Лекин Жобирни совчилари ҳам, Фирдавсни совчилари ҳам келолмай қолди. Севинчни буваси, отасини отаси ўтиб қолди. Шу билан совчи иши бувани "чилласи" чиққандан кейинга қолдирилди. Севинч онасига билдирмай Фирдавс билан гаплашиб юраверди. Фақат йигит бор жаҳлини ишга солиб, қўрқитса ҳам Севинч қайтиб учрашувга чиқмади. Фирдавс ўшанда нега "унақа" қилганини айтганди, қайтага қизни жаҳли чиқиб неча кун аразлаб гап қўшмади. Пахта мавсуми тугаб, қизни ўқиши бошланиб кетди. Номерини кўтармагани учун қиз билан гаплаша олмай юрган Жобир яна йўлида пайдо бўлди Севинчни. Қиз рад этиб кетаверди. Аммо йигитим бор деёлмади, гап онасига етиб боришидан қўрқди. Фирдавсга ҳам сўз демади. Чунки у ҳам муаммони чуқурлаштириб юборарди.
Жобир ҳам даладаги ким эди сўрамади. Афтидан ишонмаганди.
Бувасини чилласи чиққач Жобирни одамлари яна ғимирлаб қолди. Бир келиб яна илиқ жавоб билан қайтишгач, яна бир кун келишларини айтишди. Аммо улардан
олдин Фирдавсни аммалари яна келди. Бу гал отаси ҳам борлиги учун, у ҳам ҳабар топди. Севинч синглисини совчиларим кетгач, ота-онасини гапини пойлатгани юборди. Уни гапларидан умидлари сўниб қолди. Отаси ҳам бир қишлоқ нари бергандан, Жобирни афзал билибди.
Аввалги сафар телефон қилганида онасини фикрини яширган Севинч бу гал ҳаммасини рўйи рост айтди.
- Шундай де,- Фирдавс ўйланиб қолиб кейин қиз билан, ҳаммаси яхши бўлади деб айтганча ҳайрлашди. Қиз ҳафа бўлиб туни билан уҳҳ тортиб чиқди. Севинчни ўзгариб қолганини ҳамма пайқади албатта. Онаси ёнига олиб насиҳат ҳам қилди.
- Отанг ҳам Жобирга бермоқчи. Агар бизни юзимизни қилмасанг ўзинг биласан. Майли берамиз, лекин бетинга ҳам қарамаймиз,-деди у.
Бу гаплар Севинчни ичини тўкиб юборди. Жимгина ўтираверди. Жобир номерини топиб телефон қилди. У эканини билиб ўчириб қўйди. Юрагини қўрқув босди. Ҳозир унга бор гапни айтса-ю, эртага тегишга мажбур бўлса... Нима бўлади? Юзига солмайдими? Ёки аксинча Жобирни қўнғироғига жавоб берса ~ю, Фирдавсга тегса(юрагида ҳали ҳам умид бор эди), у бу гапни билиб қолса... Севинч рақамини яна ўчирди. Туни билан яна тўлғониб чиқди. Эрталаб кўзгуга қараб ўзи қўрқиб кетди. Юзлари захил тортиб қолибди. Кўзлари қизариб, уйқусизликдан киртайиб қолган. Кўрган одам аниқ касал деб ўйлайди. Йигит учун аза очяпти деб ўйлашларидан уялиб, озроқ пардоз қилиб олди. Барибир ота~онаси сезди. Онаси чимирилиб, атайин бугун Жобирни совчиларига розилик бериб юборишини айтиб ўтди.
Севинч ранги бўзариб кетди. Кўз остидан отасига қаради. У эса қизини кузатиб турган экан, қошлари чимирилди.
- Беравер розилик. Ўқиган, кўз олдимиздаги йигит. Анави фермер болани совчилари келса, узил~кесил жавобини бериб юбор келмасин. Тезак~таппи ёпадиган бошқа қиз топишсин.
Отаси шундай деб юзига фотиҳа тортди. Севинч туриб кетмоқчи эди. Ўрнидан силжий ҳам олмади.
🌹
Онаси қўймагани учун Жобир билан учрашувга чиққан Севинч, қайтиб келиб Фирдавсга қўнғироқ қилди. Ўзини тутмоқчи эди бўлмади. Йиғлаб ҳамма гапни айтиб берди. Шундоқ ҳам совчиларига "тенг тенги билан, тезак қопи билан" деб жавоб бериб юборилгани алам қилиб турган йигитни кўзи қонга тўлди. Йиғлаб ~йиғлаб телефонни ўчириб қўйган қизга қайтиб чиқди.
- Сен йиғлама. Ҳўпми. Мен бир чорасини топаман.
Фирдавс аллақачон бир қарорга келиб бўлганди. Шунинг учун қизни отаси Қобил акани ёнига борди. Қобил ака ҳисобчи бўлиб ишларди. Унга алпқомат, қарашлари жиддий, дала қуёшида тобланган Фирдавсдан кўра, қоғоз~қалам кўтарган костюм шимдаги Жобир ёққанди. Қизини Фирдавсни ёнида сигир~бузоқдан ортмай яшашини тасаввур қилиб, қовоғи уюлди.
- Мен жавобимни айтганман.
- Мени фермер эканим, борадиган келин даладан бери келади дегани эмас. Онам ўзи далани яхши кўргани учун доим отамни ёнида бўлган, лекин... Севинчни берсангиз, у ўзи истагандек яшайди. Бизни оилада чорвага аёллар қарамайди....
- Агар ҳафа бўлмасанг бир гап. Мен бир умр тоза иш қилиб ўрганган одамман. Ҳовлим ҳам кичкина. Хотиним қизиқиб қилган бир ~икки хўя помидор бодринг демаса, деҳқончилик қилиб ўрганмаган одамман. Қизларим ҳам шу. Сен ваъдани бераверасан. Тил суяксиз. Мен бегона одамларга ишониб қизимни бошқа қишлоққа бермайман. Энди борай вақтим зиқ.
Фирдавсга "қайнотасини" гапидан ҳам нигоҳлари оғир ботди.
- Яхши иш қилмадингиз,- деди ғижиниб. У шу куни қизга қўнғироқ қилмади. Эртаси куни ўқишига борди.
- Машинага ўтир гап бор,- деди қизга ўз пулига олгани учун қадрли бўлган тикосини кўрсатиб. У одатда машинасини миниб келмасди. Севинч иккиланди. Ҳафта оҳирида фотиҳаси бўлиши керак.
- Бир оғиз гапим бор. Кейин кетасан,- деди Фирдавс бошини эгганча. Севинчни кўзи ёшланди. Йигитни ҳолати баттар юрагини эзди. Индамай машинага ўтирди. Қиздан кейин машинага ўтирар экан Фирдавс айёрона кулиб қўйди.
- Қаерга кетяпмиз,- деди Севинч сўз демай кетиб бораётган Фирдавсга. Йигит жавоб бермади.
- Борсанг кўрасан.
Севинч бозор томон кетган кўпқаватли уй олдида тўхташгач яна ҳайрон бўлди.
- Бу ерда бир одамни шундоқ кўрамизу, қайтамиз,- деди Фирдавс жиддийликни йўқотмай.
- Кимни?
- Сенга отанг айтмаган бир ҳақиқатни кўрсатмоқчиман.
- Қандай ҳақиқат?!- Севинчн юраги нотинч ура бошлади.
- Борсанг кўрасан. Ҳатто уни уйига кирмасанг ҳам бўлади. Эшикдан чиқиши билан тушинасан.
Фирдавс шундай деб олдинга юрди. Изидан Севинч ҳам зиналардан кўтарила бошлади. Фирдавс бир нохуш нарсани кўрсатадигандек юраги ғашланиб борарди.
Ҳаёлига ҳар бало келиб ўтирган қиз, Фирдавс бир эшик олдида бир неча сония тўхтаб, кейин уни ҳам қўлидан тортиб олиб кириб кетгач, эсини йиғиб олди.
- Нима қиляпсиз?
- Жим!
Фирдавс қизни олиб келган квартира, қамалишидан олдин Жамшид унга топшириб кетган уйи эди.
- Шу ерда бугунча қоламиз.
- Бекор айтибсиз!
Севинч эшик томон бурилди. Лекин шу он Фирдавсни қўлига тушди. Қўрқиб кетган Севинч бақирди, йиғлади фойда бермади. Фирдавс уни қамаб қўйди.
- Менга бошқа чора қолдирмадингиз,- деди у бош чайқаб.
🌹
- Овқатланиб ол,- Қиз икки кундан бери овқатни рад этарди.
- Емайман,- йиғлаб-йиғлаб чарчаган Севинч бошини деворга тираб ўтирарди.
- Эрта уйингга олиб бориб қўяман.
- Мен ўзимни ўлдираман энди,- деди қиз паст овозда.
- Бундай қилолмайсан. Уйдагиларинг совчиларимга розилик берса бўлди. Ўн беш кунда тўй қилиб олиб кетаман,- Фирдавс қизни сочларини силамоқчи эди, у силтаб ташлади.- майли ўзинг биласан.
Фирдавс чиқиб кетди. У ҳам безовта эди аслида, аммо режаси иш берса, қизга етишишини ўйлаб ўзини ҳотиржам қилишга уринарди. Бугунги тун ҳам кечагисидек жуда узоқ ўтди. Фирдавс ҳар замонда Севинчдан ҳабар олгани кирарди. Қиз эса тун чўкканидан бери, Фирдавсни фикри айнишидан қўрқарди. Эшик очилиши билан ўзини ухлаганга соларди. Фирдавс бир нафас туриб чиқиб кетгач, бир оз енгил тортарди...
Севинч квартирада қатнаб ўқигани учун, қизни йўқолганини ҳали билишмаганди уйдагилари. Жобирга беришаётгани учун қиз аразлаб, уйидагилар билан гаплашмай қўйганди. Шунинг учун тонг саҳар, Фирдавс Қобил акага қўнғироқ қилганида, ота аввал ҳайрон қолди.
- Ассалому алайкум. Мен Фирдавсман,- деди у ичида ўн марта қайтарган бўлса ҳам, бир оў ҳаяжонланиб.
- Сенга нима керак?!
- Севинч мен билан.
- Нима?!
- Бугун совчиларим боради. Розилик берсангиз уни уйига олиб бориб қўяман.
- Нима дединг?! Қизим ўқишда.
- Ишонмасангиз сўранг. У икки кундан бери мен билан. Гап~сўз кўпайишини истамайман.
- Умрингни қамоқда чиритаман!
- Бу билан ўзингизни гапга қўйганинггиз қолади.
Қобил ака жаҳл билан Фирдавсга ҳақоратларни ёғдириб ташлади.
Йигит қилт этмай эшитди.
Кейин ўчириб қўйди. Қобил ака биринчи аниқлаштириш учун қизига қўнғироқ қилди. Телефони ўчирилган. Хотинидан хонадошларига қўнғироқ қилишини сўради. Ростдан Севинч дарсдан кейин квартирасига қайтмаган. Қизлар унга туша олишмаган. Лекин ота~онаси сўраб телефон қилишмагач, уйига кетган деб ўйлашган...
Кейин ҳаммаси тезлашиб кетди. Фирдавс Севинчни уйига олиб келиб қўйганида, ота~она бир қарорга келиб бўлишган эди. Улар Севинч ўзи ҳоҳлаб кетган деган фикрда эдилар. Гарчи қиз йиғлаб Фирдавс уни алдаганини айтса ҳам, ранжишди.
- Юр деса, эрта индин фотиҳа бўладиган қиз кетавердингми?- дейишди. Онаси аччиқ~тизиқ гап қилган бўлса, отаси юзига ҳам қарамади. Қизга ҳаммасидан шу оғир ботди. Қалбида Фирдавсга нисбатан нафрат пайдо бўлди. Чунки ота~онаси 15 кунда тўй қилиб олиб кетиш шарти билан, Фирдавсни совчиларига розилик берганди.
Давоми...
2~қисм.
Тўй ташвишлари билан, Фирдавс Севинчни тўнг муомаласига кўп этибор бермади. Қиз розиликдан кейин биринчи марта учрашган кунлариёқ Фирдавсга бир дунё айблов қўйиб, катта хато қилганини айтганди. Йигит кўп аҳамият бермади. Тўйдан кейин ярашиб оламан деб кулиб қўйди. Бироқ никоҳ оқшоми куни қизнинг умуман чиройи очилмади. Айниқса отаси билан ҳайрлашаётган пайти роса йиғлади. Қобил ака эса ҳамон қизидан ҳафа эди. Одамлар кўзига оқ фотиҳа берган бўлди. Қизини овутмади.
- Сал қовоғингни оч,- деди Фирдавс сураткаш "сал кулиб тушинг" деб қайта~қайта кадр олавергач. Қиз жавоб бермади. Фирдавсни ҳам ёнида биронта яқин дўсти йўқлиги учун кўнглини бир чети оғриб турарди. Аммо севгилисига етишаётганидан хурсанд эди.
Тўй тарқаб иккиси ёлғиз қолишгач, таъзим ҳам қилмай қаққайиб турган Севинчни бағрига босди.
- Севинч,- деди қулоғига шивирлаб,- бўлди аразлама энди.
- Сизни ёмон кўраман,- деди Севинч алам билан.
- Мен яхши кўраман.
Севинч бўйнига урилган нафасдан жирканиб Фирдавсни итариб ташлади.
- Сиздан нафратланаман. Қаердан ҳам келдим шу лаънати қишлоғингизга. Менга эр қуриб қолганмиди? Ота-онамдан айрилдим сизни деб.
- Севинч!
- Дадам тўғри айтган экан, фаросатингиз пахта чигитича экан. Бекорга бермайман, оми демаган экан!
- Ўчир!- Фирдавсни қўли шахт билан кўтарилди~ю, юзини буриб олган Севинчни уролмади. Оғир-оғир нафас олиб, хонадан чиқиб кетди.
У чиқиб кетгач, Севинч яна йиғлашга тушди.
Шу билан қачон ухлаб қолганини ҳам сезмабди. Фирдавс кириб келганида уйғониб кетди.
- Тур,- деди у кийимларини алмаштирар экан,- ҳозир янгаларинг киради. Шу ердаги гап, шу ерда қолсин.
Севинч Фирдавсга тескари қараб турарди. Фирдавсни қишлоғида "куёвни ўзи билса, бўлди" деб ҳисобланиб, келиндан ҳеч бир "исбот" сўралмасди. Шунинг учун келин билан куёвга ажратилган хонага ҳеч ким кирмасди. Фирдавсни бошқа хонада тунаганини ҳеч ким билмади.
Севинч яна чеҳрасини очмади. Қариндош~уруғ ҳам буни сезди. Куёв тараф лаб бурган бўлса, келин тараф доим кулиб турган қизни турушига қараб ҳайрон қолишди.
- Қовоғингни оч,- деди онаси. Барибир оналигига бориб, қизини бир қадар кечирган эди,- бўлар иш бўлди. Энди шу рўзғорга сингиб кет. Қайтиб бориб юзимизни шувут қилма.
Севинчни қароқлари яна ёшланди.
- Ҳўп,- деди паст овозда. Шундан кейин бир оз "очилиб" ўтирди.
Меҳмонлар кетишгач, уй ичи ўзлари қолишди. Қайнона бўлмиш, Ирода опа рўзғор билан таништирди.
Севинч ҳамма нарсани эслаб қолишга уринди. Уйида ҳам қилиб юрган ишлари бўлгани учун кўп ҳам оғир юмушлар эмасди. Уйдаги сигир ва ҳўкизларга эркаклар қарарди. Соғин сигирни Ирода опани ўзи соғар экан. Пишир куйдир, қатиқ увитиш, сарёғ қилиш... Ҳуллас ҳаммаси ўзини бўйнида экан.
-Сиз ош~овқатни, супир-сидирни қилсангиз бўлди,- деди.
Севинч ўқишдан жавоб олганди. Ўн кун эрта тонгдан туриб уй ишларига шўнғиди. Ўқиши йўқлиги учун бемолол бўлди. Ўқиши бошлангач эса бир оз қийналиб қолди. Чунки тонг кеч отар, совуқ ҳавода дийдираб нонушта тайёрлар, кейин эса ўқишга шошилиб кетишга мажбур бўларди.
Ўн кун ичида Фирдавс билан оралари яхшиланмади. Иккисини ҳам бир~биридан кўнгли қолганди.
Ҳаво совуган бўлса ҳам, Фирдавс хотини бор уйга кирмади. Ташқарида бирон иш юзасидан гапириши мумкин эди, лекин ўзлари ёлғиз қолганда ҳеч нарса демасди. Бошида бу нарса айни муддао кўринган бўлса-да, вақт ўтган сари юрагига ғулғула туша бошлади Севинчни. Энг яқин курсдоши Муниса эса уни баттар ваҳимага солди.
- Эсинг жойидами? Нега унақа дединг? Бошқа бўлса биринчи кундан афтингни бежарди. Индамабди эринг ҳалиям.
- Жуда жаҳлим чиқиб турганди.
- Нима бўлса ҳам. Ҳаммаси ҳал бўлиб бўлган бўлса нима қилардинг айблаб. Ота ~онанг ҳам тиниб-тинчиб кетсанг унитиб кетишарди. Энди нима қиласан?
- Мен ҳеч кимга ялинмайман,- Севинч қошини учириб,- ўзи ҳаракат қилсин.
- Яхши кўрасанми ўзи?
- Билмайман. Очиғи ҳисларим ҳам чалкашиб кетди.
- Нотўғри қиляпсан лекин. У сенга қўлини теккизмай ажрашиб кетсанг ҳам, ким сени қиз бола дерди. Хотин қўйганга тегасанда.
- Нега ажрашаман?!
- Хотинлик қилмасангиз бошингга урадими?- елка учириб қўйди Муниса.
Севинчни ичига бир ҳавотир тушди. Аммо барибир эрини олдида паст кеткиси келмади. Сал очилиб юра бошлади фақат. Фирдавс эса... Севинч уни ичиб келаётганини пайқади. У ётган хонадан ароқ ҳиди келарди. Ичи баттар ғашланди. Бундан қайнона ~қайнотаси хабар топса борми? Ўзи шундоқ ҳам икки хонада ётишаётганини яшириб юришибди.
- Жаа, аразчи бу кишим ҳам. Биру бир қилдим. Шунга энди димоғ-қироқ қилиб олди.
Ҳали ота- онаси "қирқи" чиққач чаллари қиламиз деганига ота уйига ҳам боргани йўқ. Онаси билан телефонда гаплашиб турибди. Тунов кун Жобирни дугонасини ўғлига фотиҳали бўлганини айтди онаси.
Севинч гапига киноя аралашган онаси ҳамон хафа эканини сезди. Юраги сиқди. Шундай пайтлар Фирдавсни қийнаб тўғри қиляпман деб ўйларди.
🌹
- Ма пул,- Фирдавс ўқишга кетаётган қизга пул тутқазди.
- Степендиямни олдим.
- Степендиянгни ўзингга ишлат.
Севинч пулни олиб Фирдавсга қаради. Уни нигоҳлари совуқ эди.
- Раҳмат,- деди паст овозда. Қўлидаги пулга тикилиб лабини тишлади. "Ҳамма мендан норози,- деди кўзларидан ёш сизиб чиқар экан,- аслида энг беайб одам мен~ку. Лекин ҳамма менга қовоқ қилади".
- Нега йиғлаяпсан?- ортига қайтган Фирдавсни пайқамаган қиз қўрқиб кетди.
- Ўзим... Уйдагиларимни соғиндим.
- Унда кўриб кел.
- Ҳали чаллари қилишмади.
- Ҳимм,- Фирдавсга қўнғироқ келиб суҳбатлари бузилди. У нари кетди. Севинч эса кечикаётганини сезиб шошиб чиқиб кетди. Ўқишдан қайтишга Мунисани маслаҳати билан бозорга тушиб, уйдагиларига степендиясидан совға ва ширинлик олди.
- Бу ерга келиб биринчи степендиямни олдим, шунга сизларга олгандим,- деди ийманибгина қўлидагиларни берар экан.
- Нима қилардингиз?- Ирода опа хурсанд бўлиб кетди. Келини танлаган қимматгина рўмол унга ёққанди.
- Бу сизга,- Севинч қайнонаси рўмолини қандай турганини кўриш учун уйга кириб кетганда, келиб қолган Фирдавсга соат солинган қути тутқазди Севинч. Фирдавс ичи очиб кўриб заҳарханда тирдайди.
- Кейинги сафар маданиятли биронтага тексанг берасан, ма ушла,- деди хотинини қўлига қайта тутқазиб нари кетар экан Фирдавс.
Севинч жойида музлаб қолди. "Кейинги сафар сўзи" юрагига наштардек санчилди. Қўлидаги ширинликни қўйиб, Фирдавсни изидан борди.
-Кейинги сафар деганингиз нимаси?- деди аччиқланиб,- яшаш ниятингиз йўқ экан, нима қилардингиз уйланиб.
- Менга бўлган қарашларингни аввалроқ айтганингда, уйланмасдим.
- Мени қанча маломатга қўйиб, яна аразлашига ўламанми? Курашмай~нетмай осон йўлни танладингиз.
- Вақтим йўқ эди. Сени бериб юборишаётганди. Ажралиб қолардим... Лекин бекор қилган эканман... Сени истагингни ҳисобга олмабман.
- Шунга нима? Мени ҳаётимни барбод қилиб бўлиб, энди кейинги сафар дейсизми? Мен сиздан чиқсам чол олади. Сиз қиз олсангиз ҳам.
Фирдавс ғазаб билан Севинчга қаради. Ҳозир иккиси ҳам ўзи кутган жавоб учун атай жаҳл чиқарадиган гап айтишганди. Фирдавс "мендан энди қутила олмайсиз" деган жавобни истаса, Севинч "ким сени бировга берар экан" деган гапни кутганди. Акс жавобни эшитиб баттар ғазабга минишди.
- Войбў, бу туришда икковинг ҳали узоқ юрасан тўмтайиб.
- Билмай қолдим. Фирдавс ака ичиб келяпти. Бошим қотиб қолди.
- У сени ўзидан жирканяпти деб ўйлаяпти. Озгина ён бериб кўр.
- Совға бердим~ку.
- Бунақа нарсаларни олифгарчилик деб ҳисоблар балки.
- Бўлмаса юраверсин.
Севинч оғриб кетган бошини чангаллади. Мана эртага тўйларига бир ой бўлади. Лекин улар ҳалиям иккита хонада ухлашади...
Янги йил байрами олди уйдагилар Жахонгирникига кетишди. Фирдавс билан Севинч уйда ўзлари қолишди. Ўқишидан таътилга чиққан қиз, ҳамма ишни эртачи битириб уйига кириб телевизор кўра бошлади. Кечки овқатни сузиш учун Фирдавсни кутди. У эса соат тўққизда кириб келди. Қўлида бир нарса бор эди. Хонасига кириб кетди. Севинч ўша ўрлғлиқ нарса ароқ эканини сезди. Энди уйгача кўтариб келибди. Жаҳл билан Фирдавсни изидан кирди.
- Бу нима?- деди аччиқланиб, ароқни ушлаб.
- Қўй жойига.
- Йўқ,- Севинч олиб ташқарига чиқди.
- Бер бу ёққа,- Фирдавс етиб олиб қўлидан ушлади. Севинч чаққонлик билан ароқ шишасини бошқа қўлига олди.
- Уялмайсизми? Ойижон билан дадажон йўқлигида уйгача олиб келдингизми?
- Хона совуқ, ичмасам қизимайман.
- Бу сабаб бўлмайди.
- Бер дедим.
- Йўқ.
- Унда бугун сен иситиб қўясан, розимисан,- Фирдавс кўзлари ёниб турган Севинчга қараб дилидаги туманлар тарқагандек бўлди,- Нега ўйланиб қолдинг. Танла ё сен, ё ароқ.
Севинч бир ютиниб қўйиб, орқага қилиб олган ароғини Фирдавсга узатди. Йигитни юзидаги табассум сўниб, ичида бир ғазаб пайдо бўлди. Демак, Севинч уни севмайди... Аммо ароққа қўл узатиши билан қиз зип этиб супа четига ўтди. Зарб билан ароқ шишани синдирди.
- Иккови ҳам йўқ сизга,- деди эркалик билан.
- Бунақаси кетмайди,- Фирдавс бир сакраб Севинчни ушлаб олиб елкасига ортди.
- Ҳой жинни бу нима қилганингиз?
- Бизни фаросатимиз шунга етади,- Фирдавс Севинчни чимилдиқли уйга олиб келар экан.
- Бўлди энди. Ҳалиям эслаб юрибсизми? Кечиринг, жуда ҳафа эдим.
Фирдавс Севинчни кўзларига термулди.
- Майли бугунча кечираман.
- Сиздан ҳеч айб ўтмадими?- деди Севинч гинали қараб.
- Бўпти. Ҳаммасини бугундан унутамиз. Ҳўпми?- Севинчни пешонасини пегонасига тиради Фирдавс.
- Ҳўп.
- Унда бугун тўйимиз кунини қайта ўтказамиз. Қани менга келин салом қилчи!
Севинч кулганча бошига дўпписини кийиб сари ташлади.
- Кўп яшайлик бахтли бўлайлик,- Фирдавс кулгунча сарини кўтариб Севинчни пешонасидан ўпти. Кейин кийимлари турган шкафни олдига ўтиб, тўй куни кийган костюмини чўнтагидан бир қути олди.
- Бу сенга.
- Вой, бунча чиройли,- қиз Фирдавс қўлига тақиб қўйган браслетни силади,- Рахмат.
- Бу "кўрмана" эди,- Севинчни қучди Фирдавс.
- Шунча олиб юрдингизми?
- Эйй, кўрмана ўзидан ўзи бериладими?
Севинч пиқ этиб кулди.
- Мени кўрмай юрибсизми?
Фирдавсни кулгусига хона тўлди.
- Чимилдикда кўрганим йўқ,- деди қизни кўтариб чимилдик ортига олиб ўтар экан.
Давоми бор.
#Ёмонйигитлардил
Присоединяйтесь к ОК, чтобы подписаться на группу и комментировать публикации.
Нет комментариев