"Вашкалазэ утьыны тыршиськомы ке но, улонэн огчош вамышъяны но выль технологиосты эскерыса ужаны выриськомы кадь!

Олокытчы но, пе, вуылод ук тазьы" - паймыса но, шумпотыса но верало фольклор коллективысь "Чебересь кенакъёс". Тани соослы 11 шуркынмонэ кылдиз ZOOM конференциын-семинарын пукыны, кудиз герзаз кык финн-угор калыкъёты - удмуртъёсты но финнъёсты. Со вал Хельсинкиен (Финляндия) герзет. Данъяськыса верано луэ, "Чебересь кенакъёслэн" творчествозы возьматэмын Павел Кутергинлэн ужаз "Фольклорное движение в современной жизни удмуртов д.Дырдашур Шарканского района УР".