Предыдущая публикация
ЎЗИМГА ЎЗГАЧА ЁҚҚАН ШЕЪРЛАРДАН...
**
Бир тонгда эшигим қоқсин овозинг,
Бир куннинг кўшкида бўлгин қиролим.
Озор бераяпди йўқлигинг, озинг,
Бу соғинч дегани бунчалар золим!
**
Бир бор ташрифингла сийласин қисмат,
Бир бора сенга деб қайнасин қахва.
Кейин шакар каби ширали суҳбат,
Сендан тухфа бўлсин, чиройли тухфа!
**
Бир бора шўр дея ема таомим,
Араз қил, аччиқ қил, ёшлат кўзимни!
Сўнг жахлдан тушиб, бағринга босиб,
Севаман сени де, ёлғиз ўзингни!
**
Қўлинг теккан дея ардоқлай кейин,
Уйим эшигининг тутқичларини.
Сўнгра дастурхонга иккита ликоп,
Иккита пиёла қўяй ҳар куни!
**
Қўлингдаги соат қолсин жабрда,
Уни тўхтатмоқчи бўлсин нигоҳинг!
Биргина тилак бор, мен бўлай сенинг,
Мухаббат бобида сўнги гуноҳинг!
Следующая публикация
Комментарии 3