Ҳақ синайди бериб имкон бандасига,
Қайтармикин дейди бандам орқасига,
Келганингда роса гуноҳ ўртасига,
Аллоҳ учун гуноҳни тарк этганмисан?
Шайтон кутар тушарми деб одам тўрга,
Аммо лекин кучи етмас тақводорга,
Бир кун бориб ётишингни ўйлаб гўрга,
Аллоҳ учун гуноҳни тарк этганмисан?
Фарқ қилгайдир чақир тикан атир гулдан,
Кечмоқ Ҳақдан тавба бўлса агар қулдан,
Кўрмоқда деб ҳаё қилиб Яратгандан,
Аллоҳ учун гуноҳни тарк этганмисан?
Иймон билан синалгайдир ҳар бир одам,
Дуч келгайсан гуноҳларга ҳар кун, ҳардам,
Қиёматни даҳшатини ўйлаб бирдам,
Аллоҳ учун гуноҳни тарк этганмисан?
Ёмонликлар гўёки бир қозон куя,
Гуноҳлар кўп мисоли бир ари уя,
Маҳшар куни соядан жой тегсин дея,
Аллоҳ учун гуноҳни тарк этганмисан?
Амал муҳим боқмас Ҳудо савлатингга,
Боқгай сени гуноҳ учун журъатингга,
Киргизгин деб сўраб Ҳақдан жаннатингга,
Аллоҳ учун гуноҳни тарк этганмисан?
Аллоҳ учун гуноҳни тарк этганларнинг мукофоти жаннатдир!
Присоединяйтесь к ОК, чтобы подписаться на группу и комментировать публикации.
Нет комментариев