Предыдущая публикация
01:08
Қиёмат куни жаҳаннамда энг енгил азобда ёнаётган кимсага:
Агар бутун дунё бойлиги сенинг қўлингда бўлганда
ўшани мана шу азобдан қутулиш учун берган бўлармидинг?- дейилади.
Дўзах ичида ёнаётган кимса:
- ҲААА,- деб фарёд солади.
Аллоҳ унга:
-Ёлғон гапирдинг, мен сенга дунёда эканлигингда бундан озини беришингни талаб қилдим, лекин бош тортдинг,- дейди.
Эй биродар,
ўтга киргач фарёд, қичқириқлар, тавба, ялинишлар бекор бўлади.
Бугун жамики ер юзининг бойлигини сизники бўлиб, бу бойлик билан барча орзу ҳавасларингизни амалга ошишини истайсиз,
қани энди бойлигингиз тўлиб тошсаю, қўлларингиз узатган ерингизга етса, оғзингиздан чиққани муҳайё бўлса, хизматкорлар пойингизда хизматда бўлса, истасангиз Швейцария ўрмонларида,
истасангиз Маккадаги Каъба ёнида бўлиб қолсангиз.
Қиёмат куни ўша дунёнинг барча бойлиги сизники бўлишини истайсиз,
лекин,
Ўша бойлик билан дўзах гулханидан қутулиб чиқиб кетишни орзу қиласиз, қани энди имкон бўлсаю бойликларингиз,
фарзандларингизнинг каттаю кичигини, ота: она, жигарларингиз, бутун инсониятни Жаҳаннамга итариб ёлғиз сизгина нажот топишни орзу қиласиз.
Маъариж сурасини очиб эртага нима аҳволлар бўлишини хабарини ўқинг, оятлар сизни нажот тугаб қолишидан аввал нажотга чақирмоқда.
Қўлингиздаги гўдагингизга қанчалик меҳрибонсиз бугун,
эртага ўшани ўтга ташлаб сизни қутқаришларини сўраб ялинасиз.
Меҳрибон онажонингизни ўтга улоқтириб ўзингиз қутулишни орзу қиласиз.
Бугун тилларингиз ёлғонни
сув ичгандай осонлик билан қўрқмай сўзлайди.
Одамларни тўхтамай айблайсиз, сизгина бегуноҳ фаришта бўлишни истайсиз.
Ҳатто Аллоҳга ҳам туҳматлар қиласиз, у Зотнинг каломини нафсингиз учун ўзгартириб яшайверасиз, хотиржам.
Зумар сурасининг 60- оятида Аллоҳ:
🔥 Аллоҳ хақида ёлғон сўзлаганлар, Аллоҳга бўҳтон уйдирмалар қилганларнинг юзлари Қиёмат куни қорайган ҳолатда бўлади.
Аллоҳга кибру ҳаво қилган,
Унинг итоатидан бош тортган кимсанинг жойи Жаҳаннам эмасми, албатта шундай,-деди.
Бугун ойдай гўзал юзлиларга қараб кўз тўймайди, лекин уларни аксарлари жаҳаннамнинг ўтинларидир.
Одамлар мезонида хурматлиларнинг аксари Аллоҳнинг мезонидаги хорлардир. Дунё бахтлилариниг қанчалари Охиратда бадбахтлардир.
Агар Аллоҳнинг амрида яшамасангиз эртага оқ баданлар каттайтирилиб қора кўмирдай чўғларга айлантирилади, бу сизга таҳдид эмас,
бу Аллоҳдан келган ҳақ огохлантиришдир.
Ўша кунда бутун бойлигингизни беришни орзу қиласиз, лекин Аллоҳ сиздан озгина нафсингизни ҳалолга сабр қилдирганингиз учун қутқаришини билмайсиз.
Қиёматда бутун бойлик фойда бермайди, биласиз, лекин бугун озгина бойлигингизни Аллоҳ учун бериб қутулиб олмайсизми!?
Қиёматда гулханда фарёд солиб ёрдамга чақирмасдан, бугун саждада тавба кўз ёшлари билан қутулиб олмайсизми!?
Эртага авфу- мағфират тиланиб дод солмасдан бугун ўзгаларни хатосини кечириб,
Аллоҳ тарафидан кечирилиб олмайсизми!?
Бугун машҳур бўлиб танилишни истайсиз, бирор машҳур ёки бойни танисангиз уни гапириб мақтаниб яшайсиз,
нега Аллоҳ мақтаганларни таниб, уларга эргашиб, Аллоҳ ҳузурида ўзингиз мақталиб олмайсиз?
Бугун гуноҳлар қорайтирган юзингизни нега оқартириб олмайсиз!?
Кўчага макияжсиз чиққани уяласиз, оқ кийимингизга бир доғ тегса уни кетказишга қанча уринасиз,
нега қалбингизни босган қора доғлардан уялмайсиз!?
Маросимларда чиройли бўлиб одобли бўлиб кўринишга росса уринасиз,
Аллоҳ билан рўбарў туриладиган кунда қандай туришни нега ўйламайсиз!?
Кийимни сарасини кийсам дейсиз, лекин кийимлар кафанга алмашадиган кунга нега тайёр эмассиз?
Ёки ҳали вақт борми?
Айтингчи эртага соғлом уйғонишингизга кафолат берасизми?
Еган таомингиз ҳазм бўлишига кафолат бера олмайсизку, кирган нафасингиз аниқ қайтиб чиқишига кафолат йўқку, юмган кўзингиз тонгда очилишига кафолат берасизми?
Амонатсиз биродар, кетар кун яқинлашди.
Унгача яхши амаллар билан яхшилардан бўлиб олинг.
Тилларингизни ёлғондан тўхтатинг, мунофиқдай икки юзли бўлишдан тўхтанг, крем, пудра оқартиртириб кўрсатаётган юзлар яширган қораликлардан покланинг.
Қалбингиз биродарни "чопиш" учун болта кўтармасин
Кўзлар кулиб, тиллар ширин сўзласада, қалблар ўлим тиламасин.
Эртага фарёд ёрдам бермас.
Следующая публикация
Нет комментариев