Аксу ҫулӗсене тăвакансем ӗç уявне паллӑ турӗҫ.
Кӑҫал вӗсем халиччен пулман ӗç калăпăшӗ пурнăçланă–2 миллиард та 200 миллион тенкӗлӗх.
Пирӗн районти ҫулсемсӗр пуçне вӗсем Çарăмсанра та ӗçлерӗнӗ. Унсăр пуçне 741 миллион тенкӗлӗх Шали – Бавлы çул участокне тунă.
Кувăл чи яваплă участоксенчен пӗри – тӑватӑ йӑрӑм, икӗ енӗпе те "пекинка".
Аксу районӗнче ҫулсем тума тата юсама 652 миллион тенкӗ уйӑрнӑ пулнă,сахалтан та хӗрӗх çухрăмлăх.
Виҫӗ çул участокне "Качественные безопасные дороги» наци проекчӗн шайӗнче хывнă. Ку "Чистополь-Аксубаево-Нурлат" ҫул лаптӑкӗ, 1,3 çухрăм тӑршшӗ (Васильевкӑпа Киремет вӑрманӗ хушшинче), Чӑваш Этемшӳ патне ҫитмелли ҫул–1,4 çухрăм тата 6, 7çухрăм Меречен çулӗ.
Аксу –Федоровка ҫула та юсарӗҫ, вӑл 2,2 километр ытла тӑсӑлать.
Меречен тата Саврăшпуç тăрăхӗн Сосновка ялӗсен çулӗсем халăха уйрăмах савăнтараççӗ. Нумай ҫулсем хушши ҫак икӗ ял çыннисем çулсăр тарăхнă. Вӗсемпе ҫуллахи типӗ ҫанталӑкра ҫеҫ ҫӳреме пулнă. Ҫак ҫулсенче халăх тӗрлӗ ведомствăсене çырса тарăхнă.
Меречен çулне тунă хăвăртлăхпа нихăçан та, пӗр çул та туман пуль. Унпа юнашар ӗҫлекен нефть кӑларакансем ӑна чулпа витнӗ.
– Ку "ҫула" пӗтӗмпех сӳтсе, аялти сийне финанс лимичӗнчен асфальт сарчӗҫ, – тет Фанис Сафин. – Ҫакӑн пек хăвăртлăхпа Аксу Федоровка регион пӗлтерӗшлӗ трасса участокӗнче, 2,250 ҫухрӑм тӑршшӗ, Ҫӗнӗ Тимушкелте те лайăх пахалăхлă çул хывнă.
Иртнӗ сезонра Аксу хула еавӗр поселокра урамӗсенче пысăк ӗç пурнăçланă. 1, 1 километр ытла çӗнӗ ҫул хывнӑ, асфальт сарнӑ ҫулсене 0,6 çухрăм юсанӑ.
Ҫул тунă чухне унăн хăрушсăрлăхӗ çине те пысăк тимлӗх уйăраççӗ. Кирлӗ паллăсем, ятарлă тикӗс мар вырӑнсем палӑртаҫҫӗ. Анчах Шали- Бавлы федераци трассинче 110 стойка тата 140 щит вырнаҫтарман-ха.
Фанис Сафин хӑйӗн коллективӗнче чăн ăстасем ӗҫленине палăртать, вӗсем пурте çул планировкинчен тата барьер хӳмине ҫапса лартнинчен пуҫласа паллӑсем, сигнал юписем лартса усă курма параççӗ.
Ҫул тӑвакансен ӗҫӗ строительство сезонӗпе кӑна ҫырлахмасть, ҫулталӑкӗпех пырать, ҫулла, строительствӑпа юсав ӗҫӗсемсӗр пуҫне, ҫул айккисене ҫулаҫҫӗ, хӗлле юртан тасатаҫҫӗ. Çак ӗçе те питӗ аван пурнăçлаççӗ. Вара ҫул ҫӳрекенсем талӑк режимпа çӳренипе, кашни икӗ сехетре трасса ҫинчи юра тасатма тивет. Аксу урамӗсенче те, тротуар ҫинче те, яланах йӗрке!
Ҫул тăвакансен ӗҫ кунӗ ирхине пилӗк сехетре пуҫланать, ҫав вӑхӑтра вӗсем ӗҫе тытӑнаҫҫӗ, вахта та объектсене 5.00 сехетре тухса каять.
– Эпӗ яланах ҫакна палăртатăп: пирӗн ӗçре кашни тӳсме пултараймасть, – тет Фанис Сафин. –Йывăрлăха пуртех тӳсеймеççӗ, час пăрахса каяççӗ. Пто начальникӗ Вера Белова, та çакнах çирӗплетет.
Ҫул тӑвакансем хӑйсен ӗçӗпе сайра хутра кăмăллă юлаççӗ. Мӗн те пулин туса пӗтерейменнине тӳрлетме тăрăшаççӗ. Анчах çул тăвас тата юсас ӗç нихăçан та вӗçленмест. Хăшне çӗнӗрен тумалла, хăшне юсамалла.
Присоединяйтесь к ОК, чтобы подписаться на группу и комментировать публикации.
Нет комментариев