Предыдущая публикация
Աչքերիդ ծովերն ալեկոծ,
Անխաղաղ ու փոթորկվող,
Մշուշվել են ամպագոց,
Սրտիդ դռները փակվող։
Անհանգիստ է միտքը քո,
Հայացքդ է տագնապով,
Խռոված է հոգին քո,
Իսկ շունչդ դող թրթիռով։
Նավարկում է սերը քո,
Կասկածների մութ ծովում,
Ու հևում է սիրտը քո,
Սպասելով բութ խորտակում։
Բայց իմ գրկում է պահվում,
Սերն ու լույսը հոգու քո,
Ու ողջ կյանքիդ ընթացքում,
Այն կլինի կողքը քո։
Քար - Յանց
Следующая публикация
Нет комментариев