Безиб бўлдим соғинч захридан.
Айрилиқнинг қийноқ, қахридан.
Мана кетдим ишқнинг шахридан.
Хайр хижрон, алвидо алам.
Битилмайди ох тўла ашъор.
Ишқ куйини куйламайди тор.
Чекинаман, чекмайман озор.
Хайр хижрон, алвидо алам.
Унут бўлди ўша шум малак.
Етар шунча бўлганим халак.
Гувохим бўл эй замин, фалак.
Хайр хижрон, алвидо алам.
Мажнун бўлдим Лайлиси суймас.
Минг куйдириб бир бора куймас.
Ялинмайман, йиғламайман бас.
Хайр хижрон, алвидо алам.
Бўлди бўлмас тунларим бедор.
Кун кўчага термулмайман зор.
Куйган кўнгил чиқарган қарор.
Хайр хижрон, алвидо алам.
Ўтса хамки кун, хафта, ойим.
Ёр васлига бошламас пойим.
Афсус демас дил деган жойим.
Хайр хижрон, алвидо алам.
Азобларга нишон бўлмас жон.
Рашк дастидан қайнамайди қон.
Тинч яшашим учун бир имкон.
Хайр хижрон, алвидо алам.
Безор бўлдим соғинч захридан.
Фироқ, ситам, ғамлар қахридан.
Ўтдим ёрнинг, ишқнинг бахридан.
Хайр хижрон, алвидо алам.
Присоединяйтесь к ОК, чтобы подписаться на группу и комментировать публикации.
Нет комментариев