Предыдущая публикация
ГРАМНІЦЫ, СТРЭЧАННЕ
Па народных уяўленнях дзень сустрэчы зімы з летам. Лічыцца, што ўжо прайшла палова зімы і з гэтага дня можна пачуць грымоты: “На Грамніцы палавіна зіміцы”, “Грамніца – хлебу палавіца, а корму траціна”. Наглядалі за надвор’ем: якое надвор’е на Грамніцы, такая будзе і вясна. “На Грамніцы певень нап’ецца, на Дабравешчанне (Звеставанне) – вол”. У Свіслацкім раёне Гродзенскай вобласці казалі, што “паміж польскімі і нашымі Грамніцамі не трэба снаваць кросны, бо ваўкі будуць снаваць каля будынкаў”. На думку некаторых даследчыкаў, звычай з асвячэннем свечак у гэты дзень звязаны з дахрысціянскім рымскім культам ачышчэння і пакаяння, а царква прысвяціла дзень (40-ы пасля Раства) памяці ачышчэння Марыі і прынясення Хрыста ў храм.
[Лозка, А.Ю. Беларускі народны каляндар / А.Ю. Лозка. – 2-е выд., перапрац. і дап. – Мн.: Полымя, 2002. – С. 54–55.]
Следующая публикация
Комментарии 2