Міфалогія Беларусі 🌌 Працягваем распавядаць пра паходжанне і будову свету…

🌳🐍 Мы супыніліся на тым, што праз дупло Сусветнага дрэва можна спусціцца ў Падземны свет, дзе жыве Князь змей, знешнім выглядам падобны на вялікую змяю. Беларусы лічылі, што сам Князь змей добры і добра ставіцца да людзей. Праз загаворы звярталіся да яго з просьбамі: дапамагчы хворым жывёлам або чалавеку, супакоіць сваіх змей, каб не джалілі людзей і жывёлу.
🕊 Недалёка ад цэнтра свету ёсць Вырай — прастора, куды адлятаюць душы памерлых людзей. Але не кожная душа трапляе ў Вырай, а толькі тая, якую адзначаць багі Неба. У гэтам жыцці Вырай даступны толькі птушкам і змеям.
Кожная частка сусветнага прастору абавязкова мае свайго гаспадара, уладара — галоўнага бога. Яму падпарадкоўваюцца менш значныя багі, а ім у сваю чаргу духі, свяшчэнныя жывёлы.
Сэнс існавання багоў, духаў — чалавек. За чалавека і валоданне Зямлёй ідзе барацьба паміж багамі святла і цемры, дабра і зла ⚡️ Багі святла і дабра здольны знішчыць цёмныя сілы, але не робяць гэтага, каб у людзей захоўваўся страх, інакш яны і багоў бы забылі.
Крыніца: «Ярила, Девоя и Перелет-трава. Древняя мифология беларусов», Алесь и Юлия Шамак. Беларуская электронная бібліятэка «Беларуская палічка».