Предыдущая публикация
Міфалогія Беларусі: паходжанне і будова свету 🌌
Агонь для нашых продкаў абазначаў мужчынскую аснову свету, а вада — жаночую. З гэтых двух першаэлементаў была створана Зямля. А адбылося гэта так 📖👇🏻
Калісьці ўвесь свет складаўся са святла і мёртвай вады, пасярэдзіне якой знаходзіўся камень. Аднойчы бог Перун разгневаўся і пачаў сыпаць стрэлы ў камень. Адна страла папала ў цэль і высекла тры іскры: белую, жоўтую і чырвоную. Іскры ўпалі ў ваду і ўскаламуцілі яе. Свет пашарэў, быццам неба зацягнулася хмарамі. Праз нейкі час стала відаць, што сярод вады з’явілася зямля. Потым узнікла жыццё: лес, трава, звяры, рыбы і — чалавек.
Стваральнікамі свету былі Белбог — старшы бог неба, ўвасабленне дабра, святога пачатку, і Чарнабог — бог цемры і зла.
Увесь свет старажытныя беларусы дзялілі на тры часткі: верхнюю, сярэднюю, ніжнюю.
⛅️ Верхняя — Неба — месца знаходжання галоўных багоў — багоў святла, дабра.
🪨 Сярэдняя частка — Зямля, тут жывуць зямныя боги, мноства добрых і злых духаў, людзі, жывёлы, растуць цудоўныя расліны.
👿 Ніжняя частка — Падземны свет — месца пражывання падземных багоў і духаў, у большасці сваёй нядобрых, увасабляючых цемру, зло, холад.
Усе тры света злучаны паміж сабой сусветным дрэвам. У беларусаў гэта Дуб 🌳 Карані Дуба знікаюць у Падземны свет, ствол знаходзіцца ў сярэдняй частцы, а крона дасягае Неба. Месца, дзе расце Дуб, з'яўляецца цэнтрам свету. Дарога да яго добра вядомая: з хаты ў двор, з двара ў поле. Цераз поле, раку, лес і горы, да сіняга мора. Сярод сіняга мора — востраў. На ім камень. На тым камені расце Дуб. Вось тут і знаходзіцца цэнтр свету 🌍
Сусветнае дрэва не толькі змацоўвае і падтрымлівае тры часткі свету, але і па яго ствалу і галінах героі могуць патрапіць на Неба, а праз дупло спусціцца ў Падземны свет.
Крыніца: «Ярила, Девоя и Перелет-трава. Древняя мифология беларусов», Алесь и Юлия Шамак. Беларуская электронная бібліятэка «Беларуская палічка».
Следующая публикация
Комментарии 1