ТУЙ КĔРЛЕТ

Вăрăм Палюк

.

Пикене юратать сарă каччă –

Сÿнтереймĕн хĕрÿ туйăма.

Икĕ чун çывăхланчĕ те тачă

Кĕç шутларĕç вĕсем çырăнма.

.

Кĕр кĕрлет, ав, туйра туслă халăх,

Кăшкăраç «йÿçĕ, йÿçĕ!» тесе.

Сăлтав пур-çке паян савăнмалăх:

Чуп тăвать çамрăк мăшăр хĕрсе.

.

Пит телейлĕ хĕрпе сарă каччă -

Арăмпа упăшка паянтан.

Вĕсене парнесем халĕ паччăр

Ыр сунса иккĕшне те чунтан.

.

Кĕр кĕрлет, ав, туйра туслă халăх,

Кăшкăраç «йÿçĕ, йÿçĕ!» тесе.

Чĕрери туйăмсем сÿнмĕç, паллă,

Чун савсан пурăнан киленсе.

.

Каçхине пикепе сарă каччă

Тупа турĕç савма ĕмĕрех.

Юрату – чун-чĕрен ик çуначĕ,

Çемьене вăл тăвать çирĕпрех.

ХУШСА ЮРЛАМАЛЛИ.

.

17.05.2018.

ТУЙ

Вăрăм Палюк

.

Паян качча тухать ман хĕрĕм,

Вăл халĕ çирĕм пиллĕкре.

Ун пÿрнинче пур ылтăн çĕрĕ,

Кĕрлет туй – калăн… тĕлĕкре.

.

Сире сунатăп, çамрăк мăшăр,

Телей те сывлăх, юрату!

Килте ялан, ай, пултăр ăшă,

Пĕрле халь пурăнăр тату.

.

Паян качча тухать ман хĕрĕм,

Юратнă мăшăрĕ пур ун.

Çемье тусан, паллах, чун хĕрĕ:

Ĕç хушăнать-çке кашни кун.

.

Сире сунатăп, çамрăк мăшăр,

Телей те сывлăх, юрату!

Пĕр-пĕринпе калаçăр ăшшăн,

Чуна ан кÿрĕр ырату.

.

Паян качча тухать ман хĕрĕм,

Кĕрлет туй пысăк кафере.

Сахал-им хĕр тĕрлерĕ тĕрĕ,

Халь хамăн та ташлать чĕре.

.

23.05.2018.

ВЫХОДИТ ЗАМУЖ МОЯ ДОЧЬ

СИРЕ – ТЕЛЕЙ ТЕ ЮРАТУ

Вăрăм Палюк

.

Туя килме йыхрав илсессĕн

Халь çитрĕмĕр эпир кунта.

Тăванăн ывăлĕ-çке эсĕ –

Паян уяв пур çыншăн та.

Ай, çамрăксем, чунтан сунатпăр

Сире телей те юрату.

Пиччемĕн ывăлĕ, калатпăр:

Халь йÿçĕ! Хытăрах чуп ту!

.

Чечек те çула май илсессĕн

Халь çитрĕмĕр эпир кунта.

Мĕнле маттур, тĕреклĕ эсĕ,

Сан мăшăру хитре тата.

.

Ай, çамрăксем, чунтан сунатпăр

Сире телей телей те юрату!

Пĕрле халь пурте савăнатпăр,

Кун-çулăр пултăрччĕ тату.

.

Туя килме йыхрав илсессĕн

Халь çитрĕмĕр эпир кунта.

Ай, пурте парнесем сĕнеççĕ,

Тус-тăвану – сан умăнта.

.

02.06.2018.