ПУРĂНАТЬ-ХА САВНĂ ЯЛ

Вăрăм Палюк

.

Çăмăл мар пулин те пурнăç

Пурăнать-ха савнă ял.

Çăлтăрсем те ĕмĕр çунĕç,

Ял çыннин – пур ĕç кал-кал.

.

Упранать ялта чăвашлăх,

Çухалмасть йăла-йĕрке.

Пулĕ çутăрах малашлăх,

Каччине савать пике.

.

Пурпĕрех, ай, нăйкăшмасăр

Малаллах ял-йыш пăхать.

Чунĕ ырă, пуçĕ каçăр,

Час-часах хăна пухать.

.

Упранать ялта чăвашлăх,

Çухалмасть йăла-йĕрке.

Пин-пин юрă – савăнмалăх,

Чун ташлать сике-сике.

.

Çамрăксем кунтах юлаççĕ,

Çавăнпа пĕтемст-ха ял.

Пит хитре ялта çу каçĕ,

Юрату хушать вăй-хал.

.

18.05.2018.

МĔНЛЕ АВАН ТĂВАН ЯЛТА!

Вăрăм Палюк

.

Унтан кайни миçе çул иртрĕ,

Çапах асрах çуралнă ял.

Кăçал каллех çу кунĕ çитрĕ –

Ялта мана кĕтеççĕ халь.

.

Нихçан та ял пуçран тухаймĕ,

Ачалăх иртнĕ-çке унта.

Асран тăван кил-çурт та каймĕ:

Атте-анне пурнать кунта.

.

Ăçта кăна эп пурăнмарăм,

Çапах асрах çуралнă ял.

Ун тумĕнче ман пĕтмĕ парăм,

Вĕçме вăл панă-çке вăй-хал.

.

Нихçан та ял пуçран тухаймĕ,

Ачалăх иртнĕ-çке унта.

Яла пуçне, ай, кам-ши таймĕ?

Мĕнле аван тăван ялта!

.

Çулсем иртеççĕ сисĕнмесĕр,

Çапах асрах çуралнă ял.

Чăтаймăн эс унта хĕрмесĕр –

Тăван енрен хитри сахал.

.

05.06.2018.

ÇУРАЛНĂ ЕНĔМ

Вăрăм Палюк

.

Нихçан та эс асран тухмастăн,

Çуралнă енĕм – Чăваш ен.

Эп çак çĕре улăштармастăп –

Санран çук лайăххи, ĕнен.

.

Çуралнă ен, сана ырлатăп

Эп хамăн çепĕç юрăра.

Тавралăху хитре ытла та,

Илем кÿрет… çырма-çатра.

.

Ниçта та сан пекки çук пулĕ,

Çуралнă енĕм – Чăваш ен.

Кунта çеç манăн кăмăл тулĕ,

Çуллен тата эс чечеклен.

.

Çуралнă ен, сана ырлатăп

Эп хамăн çĕпĕç юрăра.

Сан çыннусем ĕçчен ытла та,

Эх, юррăм, уççăнрах янра!

.

Эс юмахри пек илĕртÿллĕ,

Çуралнă енĕм – Чăваш ен.

Вăрман, уй-хир, пĕве те кÿлĕ

Лăпкаççĕ ман куçа куллен.

.

06.06.2018.

ТУРТАТЬ-ÇКЕ ЧУН ТĂВАН ЯЛА

Вăрăм Палюк

.

Пĕр-икĕ уйăх каймасассăн

Туртать-çке чун тăван яла.

Машин çине ларсан хавассăн

Кăлт-кăлт тапать чĕре ялан.

.

Çуралнă савнă ял вырнаçнă

Шыв хĕрринчи пĕр айлăмра.

Унта кайса пайтах çĕр каçнă,

Кĕтет пÿрт умĕнчи йăмра.

.

Атте-анне, ай, пурăнсассăн

Туртать-çке чун тăван яла.

Сывлаççĕ пуль вĕсем те ассăн

Эп пымасан – инçе хула.

.

Çуралнă савнă  ял вырнаçнă

Шыв хĕрринчи пĕр айлăмра.

Сахал-им хĕрсемпе калаçнă

Хам çамрăк чух эп урамра?

.

Курас килсен тус-тăвана та

Туртать-çке чун тăван яла.

Вара тÿрех унта анатăп,

Хам çемьепе тухса çула.

.

09.06.2018.

САВНĂ ЯЛА ТАВРĂНАТĂП

Вăрăм Палюк

.

Савнă яла таврăнатăп

Эпĕ паян машинпа.

Пĕтĕм чунтан савăнатăп

Халь иртенпех çавăнпа.

.

Ай, кĕтсе ил, савнă килĕм,

Хăвăн хастар ывăлна!

Атте-анне, шăллăм, кинĕм,

Çитрĕм кунта хăнана.

.

Савнă яла таврăнатăп,

Вун-вун ял юлчĕ хыçа.

Тавралăха эп сăнатăп,

Килчĕ ачалăх пуçа.

.

Ай, кĕтсе ил, савнă килĕм,

Хăвăн хастар ывăлна!

Ыр кăмăлпа эпĕ килтĕм,

Эс çунат панă мана.

.

Савнă яла таврăнатăп,

Йĕри-тавра – хир, вăрман...

Ырă-çке манăн чуна та,

Халĕ юрлас килет ман.

.

17.06.2018.

ЮРАТНĂ ЧĂВАШ ЕН

Вăрăм Палюк

.

Санпа, юратнă Чăваш ен,

Эп чăннипех мăнаçланатăп.

Нихçан та тухмăн чĕререн,

Кунтах-çке эпĕ пурăнатăп.

.

Ай, Чăваш ен, савса сана

Юрлатăп çĕнĕ, çепĕç юрă.

Вăй-хал паратăн эс чуна,

Хăвна та пулăштăр-и Турă.

.

Сана, юратнă Чăваш ен,

Ай, тĕнчипех паян мухтаççĕ.

Ÿссе тата эс чечеклен,

Чăваш енре хитре çу каçĕ.

.

Ай, Чăваш ен, савса сана

Юрлатăп çĕнĕ çепĕç юрă.

Кунта халь – тăнăç самана,

Эс ĕмĕр-ĕмĕр сывă пурăн!

.

Санпа, юратнă Чăваш ен,

Ман çыхăннă пур шухăш-ĕмĕт.

Сан çыннусем хĕрÿ, ĕçчен,

Юратупа çиçет чун хĕмĕ.

.

26.06.2018.

ЧУВАШИЯ, ЛЮБИМЫЙ КРАЙ, ТЫ ВЕЧНО-ВЕЧНО ПРОЦВЕТАЙ!

ЯЛТА КАШНИ УРАМ ЙĂМРАЛЛĂ

Вăрăм Палюк

.

Инçе пулсан та тăван ялăм

Пĕрмай каяс килет унта.

Ман хушăнать, ÿсет вăй-халăм

Хулара мар, тăван ялта.

.

Çуралнă ял – илемлĕ вырăн,

Пĕве те пур ял варринче.

Чуна кунта пит канлĕ, ырă,

Ял хăй вăл – пысăк çут тĕнче.

.

Инçе пулсан та тăван ялăм

Унта эп кайрăм шăмат кун.

Ман тус-тăван çур ял, ку паллă,

Курсассăн хумханать-çке чун.

.

Çуралнă ял – илемлĕ вырăн,

Куçа хупмастăп мĕн ирччен.

Кунта эп çĕнĕ юрă çырăп,

Çуралнă ялăм, сан çинчен.

.

Инçе пулсан та тăван ялăм

Çын пурăнать кашни çуртра.

Ялта кашни урам йăмраллă,

Йĕри-тавра – çырма-çатра.

.

11.07.2018.

СИМĔС ЯЛĂМ – КУÇ ТУЛЛИ

Вăрăм Палюк

.

Çĕр çинче тăван ялтан

Çук тата та илемли.

Ман каяс килмест кунтан,

Тăвансен – хитре кулли.

.

Савнă ял, тус-тăвансем

Кĕтсе илĕр халь мана!

Чĕрене тулать илем,

Варкăш тыткăнлать чуна.

.

Çĕр çинче тăван ялтан

Çук тата та çывăххи.

Эп телейлĕ вăл пуртан,

Кирлĕ те мар урăххи.

.

Савнă ял, тус-тăвансем

Кĕтсе илĕр халь мана!

Чĕрере – сÿнми хĕлхем,

Çутă савăнăç кăна.

.

Çĕр çинче тăван ялтан

Çук тата та, ай, хакли.

Таврăнан унта ялан,

Симĕс ялăм – куç тулли.

.

19.07.2018.