Предыдущая публикация
ԶԻՆԵԴԻՆ ԶԻԴԱՆԻ 50 ՕՐԸ
Չկա այլ տարբերակ, ու «Ռեալի» ղեկավարությունը որոշել է արդեն իսկ խաչ քաշել Իսպանիայի առաջնության պայքարի վրա ու լիովին կենտրոնանալ Չեմպիոնների լիգայի վրա, որտեղ սպասվում է ՊՍԺ-ի դեմ խելահեղ պատերազմը։Ակումբն, իհարկե, դա հրապարակայնորեն չի հայտարարի, բայց 14 միավորի տարբերությունը մրցաշրջանի միջնամասում չափազանց մեծ է։Ամենատրամաբանական նպատակը Չեմպիոնների լիգան է, որտեղ «Ռեալին» 1/8 եզրափակչում բաժին հասավ հնարավոր բոլոր մրցակիցներից ամենաբարդը։Հենց այս պատճառով էլ Զինեդին Զիդանն ունի 50 օր մրցաշրջանը փրկելու համար, 50 օր, որ նախապատրաստվի այն մենամարտին, որը կարող է վճռել ամբողջ մրցաշրջանի ելքը։Ի վերջո, տիտղոսներն են հիշվելու, ու հենց այդ պատճառով էլ 2017 թվականը մտավ պատմության մեջ որպես «Ռեալի» համար ամենահաջողակ տարի։Մինչ ձմեռային տրանսֆերային պատուհանի ժամանակ կարևոր որոշումներ կայացնելը Ֆլորենտինո Պերեսն ու Խոսե Անխել Սանչեսը ցանկանում են որոշակի դադար վերցնել՝ ծանրութեթև անելու համար, չնայած որ նրանք լիովին գիտակցում են նախկինում թույլ տված սխալները և պետք է մրցաշրջանի մնացյալ հատվածին պարզ ճակատով առերեսվեն։Ներկայիս կազմի հետ խնդիրներ չկան, բայց նոր ֆուտբոլիստի ժամանումը մեկնարկային կազմի ֆուտբոլիստների համար վտանգի նշան կհանդիսանա, մի բան, որը հիմա բացակայում է Զիդանի թիմում, մրցակցությունը թույլ է։«Բարսելոնայից» կրած ծանր պարտությունը միայն կարագացնի կուլիսների ետևում տեղի ունեցող իրադարձությունների ընթացքը, ու մի շարք շշուկներ արդեն իսկ շրջանառվում են։Այնուամենայնիվ, հունվարյան տրանսֆերային պատուհանի ժամանակ տրանսֆեր իրականացնելը բարդ գործ է ու հաճախ հակառակ էֆեկտն է ունենում լուծումներ տալու փոխարեն։Այժմ ակումբը ցանկանում է ձեռք բերել դարպասապահ Կեպա Արիսաբալագային, ևս մեկ պաշտպան ու հարձակվող, չնայած Զիդանը հարձակվողի հարցում այնքան էլ մեծ հակում չունի։Առաջին սխալները թույլ տրվեցին, երբ Մբապեի հայրը մեծ ֆինանսական պահանջներ ներկայացրեց «Ռեալին», իսկ ակումբը մերժեց, չնայած որ ֆուտբոլիստն արդեն իսկ տվել էր իր համաձայնությունը Ֆլորենտինո Պերեսին։ Այնուամենայնիվ, նրա աշխատավարձը չափազանց մեծ կլիներ ու կխաթարեր անդորրը հանդերձարանում։5 տիտղոս նվաճելուց հետո երկրպագուները պահանջում են նոր ֆուտբոլիստներ, որոնք կկարողանան վրեժ լուծել «Բարսելոնայից»։Առաջին սխալից հետո ձեռք բերված 4 ֆուտբոլիստները օրեր առաջ թիմի պարտությանը հետևեցին տրիբունայից, ինչը հստակ ցույց է տալիս, թե ինչքան ձախողված էր տրանսֆերային ամառը։Իսպանիայի ու Եվրոպայի սուպերգավաթները ցույց տվին, որ այս թիմը դեռևս մարտունակ է, բայց Լա լիգայի մեկնարկից հետո, որտեղ «Ռեալը» միշտ ուժեղ է եղել, արձանագրվեց վատ մեկնարկ, ու հիմա այլևս սխալվելու ոչ մի իրավունք չկա։Մարզչական անձնակազմը մի պահ ակնարկում էր BBC եռյակի վերադարձի մասին՝ այն համարելով փրկության բանալի, բայց թիմի հաջող ելույթները ստիպեցին միառժամանակ մոռանալ այդ եռյակի մասին։Հիմա նրանք գիտեն, որ այն, ինչ երկրպագուները պահանջում էին երկար ժամանակ, կարող է իրականություն դառնալ, ու Կարիմ Բենզեման, հնարավոր է, կլքի ակումբը ամռանը։Մի բան է հստակ, վերջինիս հետ պայմանագիրը երկարաձգելու մտադրություն ակումբում ոչ ոք չունի։Զիդանն ունի 50 օր, Պերեսը՝ 30...
Следующая публикация
Нет комментариев