(եղանակին համահունչ)
<<Խաշ>> անվանումը, ըստ ամենատարածված վարկածի, առաջացել է հայերեն <<խաշել>> բառից, նույն բառից են առաջացել նաև այլ կերակրատեսակների անվանումները (խաշլամա, խաշու, խաշիլ)։
Տարվա ցուրտ եղանակներին ընկերական, ընտանեկան հավաքույթների ամենատարածված առիթներից մեկը խաշի ճաշկերույթն է, որը դարձել է մի ինքնատիպ տոնախմբություն, համաձա՞յն եք:
Ավանդական դարձած խաշի սեղանը շատ հաճախ է համախմբում ամենահարազատներին, և հենց այդ պատճառով է, որ շատ սիրված է:
Այժմ անցնենք ուտեստի պատմությանը: Այսօր այդքան սիրված ուտեստը, որը ճաշակելու համար մարդիկ հավաքույթներ են կազմակերպում, նախկինում համարվում էր աղքատների ուտեստ:
Այո, այո, այն ուտում էին միայն աղքատները:
Հարուստները մսավաճառներից գնում էին մսի ամենալավ կտորները, որոնք թանկ արժեին և ոչ բոլորին էին հասանելի: Աղքատները կարողանում էին գնել միայն էժան կտորները՝ գլուխ, ոտքեր, պոչ, իսկ այլ մթերքներ գնելու համար գումարն այլևս չէր հերքում:
Մսի այդ կտորները խաշում էին ջրում այնքան, մինչև ջուրը սպիտակի. ոչ այդքան համեղ ճաշը պատրաստ էր: Ժամանակի ընթացքում ավելացան մյուս բաղադրիչները՝ սխտորը և լավաշը, և աղքատների ուտեստից խաշը վերածվեց հատուկ արարողակարգի:
Խաշի պատրաստման մեջ օգտագործվում են տավարի ոտքեր (ինչպես նաև խոզի, ոչխարի կամ նույնիսկ հավի), փորոք, սխտոր, աղ, և կանաչի։ Մասերը մաքրելուց և լվանալուց հետո (Հայաստանում ավանդաբար դնում են 10-12 ժամով հոսող ջրի տակ), այն խաշվում է 6-8 ժամ (որքան երկար եփվի, այնքան ավելի համեղ է ստացվում)։
Ուտեստի հետ մատուցվում է մանրացրած սխտոր, աղ, կտրտած բողկ, կանաչի։ Հայաստանի որոշ շրջաններում այն ուտում են ձեռքերով՝ նախապես նրա մեջ բրդելով չոր լավաշ, պնակը ծածկում են լավաշով և ուտելու ընթացքում բացելով փոքրիկ անկյուն, լավաշի կտորով հանում են կերակուրը։ Հիմնականում խաշ եփելու նախապատրաստական արարողությունը սկսում են երեկոյան, որպեսզի առավոտ վաղ այն մատուցվի։
Ավանդաբար խաշն ուտում են տարվա ցուրտ եղանակին՝ ձմռանը, իսկ առավել քաջերն այն ճաշակում են բացօթյա պայմաններում։
Հ.գ.` Հա արաղի մասին մոռացել եմ գրել, չմոռանաք` խաշն առանց արաղի էլ ի՞նչ խաշ։
Присоединяйтесь к ОК, чтобы подписаться на группу и комментировать публикации.
Комментарии 2