ՎԱՆԱ ԲԼԻԹ
Վանում մեծ տարածում ունեցող թխվածքի տեսակ։
Վանի բլիթները բոլորաձեւ էին, մեջը՝ հայս (յուղի մեջ բոված և հետը շաքար ու համեմունքներ խառնած ալյուր, որը գաթայի մեջ էին դնում իբրև լիցք, խորիզ)
ՎԱՆԱ ԲԼԻԹ
***********************************************
Անհրաժեշտ է...
500 գր մածուն
1 թեյի գդալ սոդա
2 հատ ձու
250 գր կարագ
կես թեյի գդալ աղ
Ալյուր այնքան, որ դառնա ձեռքերին չկպչող խմոր....
Հայս
*****************************************
1,5 բաժակ ալյուր
1,5 բաժակ շաքարավազ
3 ճաշի գդալ տնական հալած յուղ
Նախընրած համեմունքներ (վանիլ, մեխակ, դարչին եւ այլն)
Տապակի մեջ լցնում ենք հալած յուղը, ավելացնում ենք ալյուրը, այնուհետեւ շաքարավազը։ Համեմում ենք նախընտրելի համեմունքներով։
Անընդհատ խառնում ենք, մինչեւ շաքարի հալվելը։
Պատրաստման ձևը
*******************************************
Նախապես առանձնացնում ենք 2-3 հատ ձվի դեղնուցը։
Թասի մեջ լցնում ենք մաղած ալյուրը, ավելացնում ենք փափուկ կարագը ու մատներով տրորում։ Այնուհետեւ ավելացնում ենք աղը, սոդան, մածունը ու ձվի դեղնուցները։ Նորից լավ խառնում ձեռքով, մինչեւ դառնա ձեռքերին չկպչող խմոր։
Պատրաստի խմորը բաժանում ենք 2 մասի ծածկում, որ չչորանա ու դնում ենք մոտ կես ժամ սառնարանը։
Որից հետո հանում ենք սառնարանից
սեղանին թեթև ալյուր ցանում ու մատների օգնությամբ կլոր ձևով բացում։ Մեջը դնում ենք պատրաստի խորիզը՝ (հայսը)։ Խմորի բոլոր ծայրերը հավաքում մեջտեղի մասում ամրացնում՝ սեղմելով և շրջում հակառակ կողմի վրա։ Մատներով թեթև տափակեցնում որ կլոր գաթայի տեսք ստանա ու թողնում այդպես մնա ու հանգստանա ևս մի 15-20 րոպե։
Տեղավորում ենք ջեռոցի ամանի վրա։ Վրան հարած ձու կամ դեղնուց քսում ու թխում ջեռոցում մինչև կարմրելը։
☆☆☆☆☆ ՍՆՎԵՔ ՀԱՅԵՐԵՆ ☆☆☆☆☆
Վանա բլիթի բաղադրատոմսը և նկարը Garegin Sanatruki էջից🤍🍪
Serine Mkrtchyan
Присоединяйтесь к ОК, чтобы подписаться на группу и комментировать публикации.
Комментарии 1