#мастацтва #мастак #мастакібеларусі #палацмастацтва #беларусь #культурабеларусi #жывапіс #выставка

Сёлета Беларускі саюз мастакоў святкуе сваё 85-годдзе. З нагоды свята ў Палацы мастацтва ў лістападзе і снежні прайшла адмысловая выстаўка «Старшыня», якая стала знакавай падзеяй у цыкле мерапрыемстваў да юбілейнай даты.
Саюз аб'ядноўвае больш за тысячу чалавек. Сярод іх — народныя мастакі Беларусі, заслужаныя дзеячы мастацтваў, лаўрэаты Дзяржаўнай прэміі, прэміі Прэзідэнта Рэспублікі Беларусь. І безумоўна, саюз — адна з самых буйных, самых уплывовых творчых арганізацый нашай краіны. Вынікамі яго працы з’яўляюцца маштабныя міжнародныя і рэспубліканскія конкурсы, пленэры, творы, якія сёння ўпрыгожваюць нашы гарады, інтэр'еры грамадскіх будынкаў, выставачныя залы музеяў.