АЁЛГА НАСИҲАТНИ ҚАНДАЙ ҚИЛИШ КЕРАК?

Аёлингизга чиройли муомала ила қандай насиҳат қиласиз?! Ўқинг, ҳар бир эр учун жуда муҳим.
Эр тонг саҳарда уйғониб, аёли билан бирга нонушта қилди ва кийимларини кийиб, ишга кетиш учун тайёргарлик кўрди. Кутубхонасига калитларини олиш учун кирган вақт, мактабасининг (комод) усти ва телевизорнинг экрани жуда ҳам чанг эканини кўрди-да, хотиржамлик билан аёлининг олдига чиқиб, ʺСуюкли азизам, менга мактаба устидаги калитларимни олиб келингʺ деди.
Аёли калитларни олиб келиш учун кутубхонага киргач, чанг бўлиб турган мактабага эрининг ʺАзизам, мен сени яхши кўраманʺ деб чанглар билан ёзганини кўрди ва хонадан чиқаётиб телевизор экранида ҳам ʺҲаётимнинг мазмуни, мен сени яхши кўраманʺ деб чанглар билан ёзганига гувоҳ бўлди.
Аёли хонадан чиқиб, эрининг ана шундай ёзув ила қилган ишидан юзларида табассум ила калитларни берди ва уй тозаликларига жуда ҳам кўп эътибор қила бошлади.
Бу - аёли хато қилган вақтда ёмон муомала қилмай, балки, хатосини чиройли муомала билан тўғирлайдиган ва маҳзунликни шодликка ўзгартирадиган ақлли, ҳикматли эрдир...