Предыдущая публикация
На ферме «Гарадзец» аператарамі па дарошчванні цялят працуюць Алена Рэут і Вольга Міронава.
Паказчыкі прадукцыйнасці буйной рагатай жывёлы неразрыўна звязаны з тым, наколькі правільна і збалансавана забяспечаны яе догляд і кармленне ў раннім узросце, як маладняк развіваецца пасля нараджэння.
На ферме «Цэнтр» «Гарадзец» аператарамі па дарошчванні маладняку працуюць Алена Рэут і Вольга Міронава (на здымку). У абавязкі жанчын уваходзяць догляд за цялятамі, іх кармленне, паенне і перадача ўжо падросшых бычкоў і цялушак на малочнатаварную ферму. Працоўных рук у жывёлагадоўлі не хапае, таму жанчыны працуюць без выхадных дзён.
Цяляты на ферме ўтрымліваюцца ў памяшканні, на працягу дня выпускаюцца ў закрытыя загоны на вуліцу. Як адзначылі самі даглядчыцы, знаходжанне цялят на свежым паветры ўмацоўвае іх арганізм. Так з самага нараджэння жывёла загартоўваецца, становіцца больш трывалай. Каб цяляты раслі здаровымі, жанчыны сочаць за станам іх здароўя. канечне, многае залежыць ад збалансаванасці рацыёну.
Аператары па дарошчванні, якія працуюць з маладняком, да сваёй работы заўсёды адносяцца з адказнасцю, своечасова мяняюць падсцілку, падсыпаюць корм. Цяляты ў дружнага жаночага калектыву заўсёды накормлены, напоены і дагледжаны.
Сяргей РАЙЧОНАК, фота аўтара.
Следующая публикация
Комментарии 2