Предыдущая публикация
АДАМДЫН УРПАКТАРЫНЫН КАНЧООСУ БЕЙИШКЕ КАНЧООСУ ТОЗОККО КИРЕТ
1342(3348). Абу Са’ид аль-Худринин (Алла ага ыраазы болсун) бул айткандары рабаят этилет:
- (Бир жолу) пайгамбар алейхиссалам мындай деди: «(Кыямат Күнү) Алла: «Эй Адам!» - дейт. (Адам алейхиссалам) «Мына, алдыңдамын жана Сага кызмат кылууга даярмын, (бардык) жакшылык Сенин колуңда!/ Лаббай-ка, ва са’дай-ка ва-л-хайру фи йадай-ка!/»-дейт. (Алла) «Тозоку болуу маңдайына жазылгандарды чыгар!»-дейт. (Адам алейхиссалам) «Алар канчоо?» - деп сурайт. (Алла) «Ар мин адамдан тогуз жүз токсон тогуз (адам)», - дегенде жаш (балдардын) чачтары агарып кетет, ар бир боюнда бар аял боюндагысын таштап жиберет, адамдар мас болбосо да аларды мас болгондой көрөсүң, алар (шараптан эмес,) коркуудан ошентишет, Алланын азабы ошондой катуу[10]». (Адамдар) «Эй Расулулла, ошол жалгыз адам бизден ким болот?» - деп сурашты. Буга пайгамбар алейхиссалам: «Кубангыла, себеби силерден бирөө экен, ал эми Яжуж менен Мажуж (элдеринен)-миң!» - деп, анан: «Жаным колунда болгон Загка ант ичем, силер бейиш элинин төрттөн бирин түзөсүңөр деп үмүт кыламын!»-дегенде биз: «Аллаху акбар!» - деп жибердик. Анан (пай- гамбар алейхиссалам) «Силер бейиш элинин үчтөн бирин түзөсүңөр деп үмүт кыламын!»-деди эле, биз: «Аллаху акбар!» - деп жибердик. Анан пайгамбар алейхиссалам: «Силер бейиш элинин жарымын түзөсүңөр деп үмүт кыламын!»-деди эле, биз: «Аллаху акбар!» - деп жибердик. Анан (пайгамбар алейхиссалам) айтты: «Бирок (махшардагы) башка адамдарга салыштырмалуу силер ак буканын тээрисиндеги жалгыз кара түккө же кара буканын тээрисиндеги жалгыз ак түккө окшойсуңар», (Сахих Ал-Бухари)
10 Кара: «Хаж»,2.
«3348» حَدَّثَنِي إِسْحَاقُ بْنُ نَصْرٍ حَدَّثَنَا أَبُو أُسَامَةَ عَنِ الأَعْمَشِ حَدَّثَنَا أَبُو صَالِحٍ عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: ((يَقُولُ اللَّهُ تَعَالَى يَا آدَمُ. فَيَقُولُ لَبَّيْكَ وَسَعْدَيْكَ وَالْخَيْرُ فِي يَدَيْكَ. فَيَقُولُ أَخْرِجْ بَعْثَ النَّارِ. قَالَ وَمَا بَعْثُ النَّارِ قَالَ مِنْ كُلِّ أَلْفٍ تِسْعَمِائَةٍ وَتِسْعَةً وَتِسْعِينَ، فَعِنْدَهُ يَشِيبُ الصَّغِيرُ، وَتَضَعُ كُلُّ ذَاتِ حَمْلٍ حَمْلَهَا، وَتَرَى النَّاسَ سُكَارَى، وَمَا هُمْ بِسُكَارَى، وَلَكِنَّ عَذَابَ اللَّهِ شَدِيدٌ)). قَالُوا يَا رَسُولَ اللَّهِ وَأَيُّنَا ذَلِكَ الْوَاحِدُ قَالَ: ((أَبْشِرُوا فَإِنَّ مِنْكُمْ رَجُلٌ، وَمِنْ يَأْجُوجَ وَمَأْجُوجَ أَلْفٌ)). ثُمَّ قَالَ: ((وَالَّذِي نَفْسِي بِيَدِهِ، إِنِّي أَرْجُو أَنْ تَكُونُوا رُبُعَ أَهْلِ الْجَنَّةِ)). فَكَبَّرْنَا. فَقَالَ: ((أَرْجُو أَنْ تَكُونُوا ثُلُثَ أَهْلِ الْجَنَّةِ)). فَكَبَّرْنَا. فَقَالَ: ((أَرْجُو أَنْ تَكُونُوا نِصْفَ أَهْلِ الْجَنَّةِ)). فَكَبَّرْنَا. فَقَالَ: ((مَا أَنْتُمْ فِي النَّاسِ إِلاَّ كَالشَّعَرَةِ السَّوْدَاءِ فِي جِلْدِ ثَوْرٍ أَبْيَضَ، أَوْ كَشَعَرَةٍ بَيْضَاءَ فِي جِلْدِ ثَوْرٍ أَسْوَدَ)).
Следующая публикация
Нет комментариев