😔 😔 😔 😔 😔 😔 😔 😔 😔
Butunjahon boks seriyalari (WSB) VIII mavsumining yarim final ishtirokchilari aniqlandi.
Raqobatlarga boy o‘tgan mavsumning guruh bosqichi bellashuvlarida jamoalar uchta mintaqaga bo‘lingan holda kurashga kirishgan edi. 13 haftalik qarama-qarshiliklardan so‘ng pley-off bosqichi formatiga o‘zgartirish kiritildi va uning tarkibi tasdiqlandi. Bu haqda WSB rasmiy sayti xabar bermoqda.
Unga ko‘ra, guruh bosqichida eng yuqori natija qayd etgan 4 jamoa yarim final ishtirokchisiga aylandi. Dastlabki uchrashuvlar 18-19 may kunlari bo‘lib o‘tsa, javob bellashuvlari 25-26 may kunlari tashkil etiladi.
Saralab olingan to‘rt jamoa vakillari ishtirokida uchrashuv Lozannadagi WSB shtab-kvartirasida o‘tdi va yarim final juftlari aniqlab olindi.
British Lionhearts (Buyuk Britaniya) vs Astana Arlans (Qozog‘iston)
Fighting Roosters (Frantsiya) vs Domadores de Cuba (Kuba).
“British Lionhearts” VI mavsumdan beri etakchilar safidan o‘rin egallab kelmoqda. Bu mavsum bu jamoa 6 uchrashuvdan 5 tasida g‘alaba qozonib, “V” guruhida birinchi o‘rinni band etdi.
Ingliz jamoasi final ostonasida Olimpiya o‘yinlarida toblangan va iqtidorli bokschilar boy bo‘lgan WSB musobaqasining uch karra g‘olibi “Astana Arlans” bilan ro‘baro‘ keladi. Qozog‘iston jamoasi ham bu bosqichga qadar atigi bir marta mag‘lubiyat alamini tortgan, biroq WSB chempionligini himoya qilishga tayyor.
Ikkinchi yarim finalda esa Evropa mintaqasida “British Lionhearts” bilan bir xil ochko jamg‘argan Frantsiyaning “Fighting Roosters” jamoasi amaldagi vitse-chempion “Cuba Domadores” bilan kuch sinashadi.
Har ikki jamoa ham mavsumni ko‘tarinki ruhda o‘tkazmoqda, ammo guruh bosqichida ikki karra WSB chempioni “Cuba Domadores” frantsuz jamoasidan atigi bir ochko kam jamg‘argan xolos.
Yarim final to‘qnashuvlaridan so‘ng 5:5 hisobi qayd etilgan taqdirda jamoalar qo‘shimcha jangga murojaat qilishadi. Yarim final uchrashuvlari durang bilan yakunlanganda 69 kg vaznda bokschilar g‘olibni aniqlasa, finalda 64 kg vaznli bokschilar chempion jamoa nomiga aniqlik kiritadi.
Eslatib o‘tamiz, Uzbek Tigers "A” guruhidan Amerika mintaqasi jamoalari – amaldagi vitse-chempion “Cuba Domadores” (Kuba), “Colombia Heroicos” (Kolumbiya) va “Caciques Venezuela” bilan birga guruh bahslarida ishtirok etdi. O‘tkazilgan 6 uchrashuvning 4 tasida g‘alaba va 2 mag‘lubiyat qayd etgan “Uzbek Tigers” 13 ochko jamg‘arib, “A” guruhida ikkinchi o‘rinni egalladi. Birinchi o‘rin “Cuba Domadores” boksilariga nasib etgan edi. Ular 15 ochko jamg‘arishgan.
Uzbek Tigers SPORTS.uz
Присоединяйтесь к ОК, чтобы подписаться на группу и комментировать публикации.
Комментарии 5