Sports.uz: “Uzbek Tigers” jamoasi Butunjahon boks seriyalari (WSB) turnirida guruh bosqichini muvafaqqiyatli tugatib, keyingi bosqichga yo‘l oldi. Ayni damda jamoamiz 13 ochko bilan birinchi o‘rinda bormoqda.
Keyingi o‘rinlarda borayotgan “Cuba Domadores” (12) va “Colombia Heroicos” (7) bittadan kam uchrashuv o‘tkazib, ikkinchi va uchinchi o‘rinda borishmoqda. Bu jamoalar o‘rtasidagi uchrashuv ertaga,13 aprel kuni Kolumbiyada bo‘lib o‘tadi.
“Uzbek Tigers”ning so‘nggi tur uchrashuvlarini Termiz shahri qabul qilgan edi, endi chorak final janglariga Namangan va Buxoro asosiy da’vogarlardan bo‘lib turibdi.
Eslatib o‘tamiz, WSB turniri VIII mavsumi chorak finaliga 3 ta guruhdan ikkitadan va yana ikkita eng yaxshi natija qayd etgan jamoa yo‘l oladi.
Keyingi bosqichga yo‘l olgan barcha jamoalar aprel oxirida qolgan guruhlarda o‘tadigan uchrashuvlardan so‘ng ma’lum bo‘ladi.
Uzbek Tigers
Присоединяйтесь к ОК, чтобы подписаться на группу и комментировать публикации.
Нет комментариев