Предыдущая публикация
🌴Соравлагъа Жавап Ассалам газетден🌴
Сорав –Эгер межитге бармагъа ва Къуръан охумагъа авлетине ата-анасы къоймай буса, ол не этме тарыкъ?
Жавап–Авлет, озокъда, ата-анасына тынгламагъа герек. Амма атаана авлетге Аллагьны алдындагъы борчну (фарзны) этмеге гери ура буса, шолай гезиклерде олагъа тынгламагъа тарыкъ тюгюл. Сюннет ишлерде буса, авлет ата-анагъа тынглап, шоланы этмесе, гюнагь болмай. Къуръан охумакъ ва межитге бармакъ (жума намаздан къайры) адамгъа борч тюгюл, сюннет. Намаз къылыв, ораза тутув йимик оьзге борчларда буса, ата-ана не айта деп тынгламагъа герекмей.
Сорав–Гьарам ерде ишленген уьйлер бар, шонда ишлемеге яраймы, береген акъча гьалал боламы?
Жавап–Бу масъалада уьй гьарам ерде ишленгенми деп къарамагъа тарыкъ тюгюл, шо учун уьйню еси жавап берер. Иш гьарам булан байлавлуму экенге агьамият бермеге тарыкъ ва шолай буса, ишлеме де, алапа алмагъа да ярамай.
Сорав–Мен гьижап гиемен, тек эрим шогъар рази тюгюл, просто явлукъ байла деп айта. Шонда ихтиярсыз гьижап гийсем гюнагь боламы?
Жавап–Болмай. Къатынгишиге гьижап байламакъ учун, эринден, атасындан ва оьзге кимеседен ихтияр алмагъа бирт де тарыкъ ер ёкъ. Уьстевюне, шолар къаршы буса да, тынгламагъа тарыкъ тюгюл, неге десе шо Аллагь олагъа салгъан борчлардан.
Сорав–Адам он минутгъа олтуруп яда ятып къалкъып юхласа, намазы бузуламы?
Жавап–Уву чыкъмасдай гьалда гётюн басдырып олтургъан гьалда юхласа, намаз жувунгъаны бузулмай.
Сорав–Къабурда гёмюлген нече тюрлю адамны къаркъарасы чиримей?
Жавап–Янгыз пайхаммарланы ва дюньяны да, ахыратны да деп айтылагъан шагьитлени къаркъаралары къабурда чиримей.
Сорав–Телевизордагъы башы ачылгъан къатынгишини тюклерине ва санларына къараса гюнагь боламы?
Жавап–Бола.
Следующая публикация
Нет комментариев