Маълум аст, ки баъди ба сари қудрат омадани гуруҳи Толибон дар Афғонистон вазъияти иҷтимоӣ, иқтисодӣ ва сиёсии кишвар дигаргун гашт. Махсусан нооромиҳо дар ҷомеа ба вуҷуд омаданд. Имруза занҳо аз тарзи рафтори ноодилонаи ин гуруҳ ва поймолшавии ҳуқуқашон руи рост дар шаҳр эътироз намуда истодаанд. Ин аз он шаҳодат медиҳад, ки мардум ҳануз таслим нашудаанд ва барои ҳуқуқҳои худ талош меварзанд.
Дар баробари ин имрўз Толибон аз кишварҳои ҷаҳон хостгори онанд, ки давлати навтаъсиси онҳоро ба расмият шиносанд. Аммо рафторе, ки нисбати мардуми кишвар анҷом медиҳанд, қобили қабули ҳеҷ кас нест. Аз ин сабаб кишварҳои гирду атроф чунин рафтори онҳоро дида, давлаташонро эътироф намекунанд. Ягона минтақае, ки то охир ба Толибон таслим нашуд ва имруз ҳам таслим нест ин Панҷшер аст. Мардуми Панҷшер мардуми мубориз ҳастанд ва ҳеҷ гоҳ таслим нахоҳанд шуд.
Зикр намудан ба маврид аст, ки вазъияти Афғонистон боиси нигаронии пеш аз ҳама кишварҳои ҳамсояи он, махсусан Тоҷикистон гаштааст. Мардуми моро бо Афғонистон на танҳо сарҳади умумӣ, балки таърих, фарҳанг, урфу одат, забон ва ғайра муттаҳид менамояд.
Ширкаткунандагони ҷаласаи мақомоти Тоҷикистон, Эрон, Покистон, Чин, Россия ва Узбекистон 20 октябр дар Душанбе дар изҳороти якҷояи худ оид ба вазъи мураккаби Афғонистон, идомаёбии амалҳои террористӣ, ки сабаби ҳалокати аҳолии осоишта гардида истодааст ва ба давлатдории Афғонистон хатар эҷод мекунад ибрози ақида намуда буданд. Дар он маврид зарурати ташкили ҳукумати фарогир бо назардошти манфиатҳои ҳамаи гурӯҳҳои этникӣ, иҷтимоӣ ва конфессиалӣ зикр карда шуд.
Вазъи мураккаби Афғонистон ба кишварҳои ҳамҷавори он, аз ҷумла ба кишвари мо таъсири манфӣ дошта метавонад. Барои ҳамин ҳам кишварҳои ҳамсоя бо Афғонистон хатарро дарк намуда, омодагии ҷиддӣ дида истодаанд. Омодагии онҳо баҳри пешгирӣ намудани хатарҳои дар пеш истода аст. Кишварҳои ҳамсоя чораҳо андешида истодаанд ва намегузоранд, ки ташкилотҳои ифротгаро фаъолияти худро дар хоки кишварҳои ҳамсояи Афғонистон идома диҳанд.
Эҳсони Маҷид,
муҳаққиқ
Присоединяйтесь к ОК, чтобы подписаться на группу и комментировать публикации.
Нет комментариев