Мен бугун армонлар эшигин ёпдим,

Соғинч йўлларини кўмиб ташладим.
У ердан юрмасин ҳеч қачон, ҳеч ким,
Юракдан исмингни ўйиб ташладим !
Висол онларини ўчирдим вақтдан.
Севги шаробини тўкиб ташладим
Юракка сабрни сўрадим Хақдан.
Сенсиз яшамоққа кўна бошладим !
Кўздаги ёшларни артдим шунчалар,
Қонталаш чизиқлар қолди кўзимда,
Энди кунларимда ботмас кечалар,
Хатто соянг қолмас бирон изимда !
Тинч қўйдим аламни, хайдаб юбордим,
У сенинг аламинг, ёлғиз сеники.
Хижроннинг кўзларин ўйиб юбордим,
Кутиб ол, хижрон ҳам энди сеники!
Кара яна турдим , к,ара синмадим
Юракга нафратни ёзиб ургатдим!
Ҳеч қандай туйғуга бошим эгмадим
АЛВИДО...сўзига хайкал ўрнатдим !!!