Предыдущая публикация
Навагодні карагод у дзяржаўнай установе адукацыі “Новадзявяткавіцкая сярэдняя школа Слонімскага раёна” сёлета ў рамках рэспубліканскай акцыі “Нашы дзеці” папоўніўся новымі ўдзельнікамі – ганаровымі гасцямі, сярод якіх быў дэпутат Палаты прадстаўнікоў Нацыянальнага сходу Рэспублікі Беларусь Валянцін Міхайлавіч Семяняка, намеснік старшыні Слонімскага раённага выканаўчага камітэта Тэрэса Вацлаваўна Юшкевіч.
Госці былі не толькі актыўнымі ўдзельнікамі сцэнарыя навагодняга мерапрыемства, а сталі сапраўднымі чараўнікамі: кожны вучань атрымаў салодкія падарункі, прадстаўленыя кандытарскай фабрыкай “Слодыч”, а ўстанова адукацыі – сертыфікат на 5 000 беларускіх рублёў, грашовыя сродкі якога будуць накіраваны на папаўненне матэрыяльна-тэхнічнай базы прадметных кабінетаў. Варта адзначыць, што свята праходзіла ва ўзаемадзеянні розных стркутур: удзельнікамі былі самі вучні школы, артысты раённага цэнтра культуры. Насамрэч мерапрыемства прайшло ў атмасферы цяпла, клопату і адзінства. Усяму гэтаму спрыяў і сам навагодні антураж установы, і экскурсія ў школьны народны музей “Дыяменты даўніны”. Фінальным акордам мерапрыемства стала традыцыя чаявання, падчас якой у нефармальнай абстаноўцы Валянцін Міхайлавіч правёў сустрэчу-дыялог з калектывам установы, дзе расказаў пра сваю дэпутацкую дзейнасць.
Следующая публикация
Нет комментариев