Предыдущая публикация
ALAM
oppoq qordan libos kiyib,
tegib ketding begonaga.
ko'zimda yosh, boshim egib,
o'xshab qoldim devonaga.
hijroningda yondim yana,
azobingga qondim yana,
sen tufayli endi mana,
alam eltar mayxonaga.
qo'ling tutmay umrim kechdi,
majnun dardi qalbga ko'chdi,
olov eding, olov o'chdi,
holim o'xshar parvonaga.
bu kunlar ham o'tib ketar,
ishq yarosi bitib ketar,
jondan to'ydim, bo'ldi yetar,
dil bermayman janonaga.
Следующая публикация
Нет комментариев