Предыдущая публикация
YASHASHDAN HAM CHARCHADIM
hamon ko'ngli vayronman,
samoda ming saf dardim.
g'am yurtida sultonman,
yashashdan ham charchadim.
dunyo o'zi bir kamda,
shunday yaralgan qadim.
yiqildim har qadamda,
yashashdan ham charchadim.
baxt eshigim qoqmadi,
armon sozini chaldim.
omad kulib boqmadi,
yashashdan ham charchadim.
azoblar qalbimda jam,
yuragimda hasratim.
soxta do'st-u, yordan ham,
yashashdan ham charchadim.
ko'ksimdagi ozorni,
bo'yim-la teng o'lchadim.
hijronga iling dorni,
yashashdan ham charchadim.
Следующая публикация
Комментарии 1