Предыдущая публикация
O'ZING
pariro'y go'zalim qalbim erkasi,
sanamlar sarvari malaksan o'zing.
ey mening sevgimning tanho egasi,
ishq bog'imda ungan chechaksan o'zing.
zulfing - qo'ng'iroqdur, kipriklaring - o'q,
ko'nglim osmonida porlaydi ko'zing.
qalam qoshing - kamon, kulgularing - sho'x,
bag'rimda qon bo'lgan yuraksan o'zing.
jamolingni o'pib yog'ganda yomg'ir,
meni majnun qilgan to'lin oy yuzing.
seni qandoq sevmay bo'ladi axir,
bu hasta holimga halaksan o'zing.
muhabbat olovim olamga sochay,
erisin shu o'tdan dildagi muzing.
ming yillik sirimni kel bugun ochay,
bu dunyoda menga keraksan o'zing.
Следующая публикация
Нет комментариев