Предыдущая публикация
Лилия СӘГЫЙДУЛЛИНА
ӨЧПОЧМАК
Бездән сорап тормаганнар,
Киләме, дип, туасың?
Тормышка атып бәргәннәр,
«Кич!» – дип яшәү дәрьясын.
Сөюнең дә үз кануны!..
Әйтерсең лә без – курчак:
Теләсә – Күккә күтәрә,
Йә ясый үле учак.
Үлемдә дә без – бичара:
Килә, вакыты җиткәч,
Туу-үлү сукмагының
Соңгы адымын үткәч.
Нигә килдең – сөйдең – үлдең,
Табигать таҗы – кешем?!
Өчпочмаклы куласадан
Чыгарга юкмы көчең?..
...Шушы Бермуд өчпочмагы –
Мәңгелек безнең өчен.
Следующая публикация
Нет комментариев