Предыдущая публикация
Gözlərini zilləyərək rəsminə,
Saatlarla baxırsansa, sevirsən!
Xəyalıyla neçə-neçə arzular,
Qurursansa, yıxırsansa, sevirsən!
Bəzən ürək dediyini dil demir,
Eşq önündə neynər olsa «qəlb» dəmir?
Bir gün nədir, beş gün nədir? Bir ömür
Sorağına çıxırsansa, sevirsən!
Bu sevdanın darıxmağı olmaya,
Gah mum olur insan, gah da sal qaya,
Gah kükrəyib, gah da dönüb lal çaya,
Ona doğru axırsansa, sevirsən!
Üzün görsən gülər üzün o anda,
Gözlərində gözəlləşər cahan da.
Uzaqda da, yaxında da olanda,
Onunçun darıxırsansa, sevirsən!
Həsrət elə ağrıdır ki canında,
Qəbr əzabı bayram olar yanında…
Onu ömrün hər fəslində, anında,
İtitməkdən qorxursansa, sevirsən!
#Furqani
Следующая публикация
Нет комментариев