Եռատոնն այսօր մեծ շուքով են նշել նաև մարտունեցիները. շրջկենտրոնի գլխավոր հրապարակն առավոտից բազմամարդ էր: Մեծ Հայրենական պատերազմում տարած հաղթանակի, Շուշիի ազատագրման ու պաշտպանության բանակի կազմավորման օրը համախմբել էր Մարտունու ավագ ու մատաղ սերնդին, զինվորականությանը, պաշտոնյային ու հասարակ աշխատավորին: Տոնական հանդիսավոր արարողությունն այնուհետև հրապարակից տեղափոխվել է Մարտունու կրթօջախներ, որտեղ տեղի է ունեցել փառքի անկյան վերաբացում ու ԽՍՀՄ կրկնակի հերոս Նելսոն Ստեփանյանի կիսանդրու բացումը: