На двары вясна!

Прырода працягвае жыць сваім жыццём, прыляцелі шпакі і лебедзі ... .Мы ўсе чакаем светлае свята Вялікадня.
Велікодная вярба ці пальма, велікоднае яйка — традыцыйныя сімвалы, без якіх мы не ўяўляем сабе гэтага свята.
У Гродзенскім раёне прытрымліваюцца традыцый і ствараюць арыгінальныя чорна-белыя пісанкі і вербы (ці пальмы) – сапраўдныя творы мастацтва з багатай гісторыяй і сімволікай, якія ўнесены ў Дзяржаўны спіс гісторыка-культурных каштоўнасцей Рэспублікі Беларусь.
…Вялікдзень – сямейнае свята. Цаніце людзей, якія побач з вамі, беражыце адносіны. Нейкія дрэнныя рэчы мы заўсёды паспяваем сказаць, а штосьці добрае пакідаем на пасля, а «пасля» можа і не стацца.
Вам у ленту – вясновых велікодных пальм, якія вырабляюць майстры аддзела этнаграфіі, фальклора і рамёстваў. У сэрца – цяпла і сонейка!