Жакында эле окуучулар, студенттер менен Жогорку Кенештин депутаттары дагы Кышкы каникулга чыгышып, ойда эс алганы эс алып, шапар тээп,муз теп, үшуп-шишигени жылуу өлкөлөргө сайрандап келген дагы жетишти окшойт.

Айрымдары өз райондоруна барып, көмөк көрсөтүп, шайлоочулары менен жолугушуп, андан кийин райондун көзүр-мөзүр, чоңдорун чогултуп алышып, май чайнашып, майпаңдап келишти.
Көптөн кем калбайын деп Токтогул районуна Асел Кодуранова дагы төрт-беш айылдын эли менен жолугуп, андан кийин Токтогул шаарынын меринин үйүндө аймактын «каймактарын» чогултуп акими Майорду, РОВД-нын чоңу Замирди, токой чарбасынын чоңу Каныбекти, Тазабек Сарпашевти ж.б чоңдорду чакырып , анча –мынча бышыктап алыптыр. Аны уккан «каймактар» Исаны туздадың да, өлтүрдүң деп дем беришип, анан өздөрү бышактап, бийликке нааразы экендигин билдиришип көз жашы кылышса, Асел эжексии бир аз чыдай тургула,баардыгы өзгөрөт жакында деп жүрөктөрүн көтөргөндөрүн көчөгө чыккандан кийин шыбырашып ар кимге айтып, мулуңдап жүрүшөт.