Предыдущая публикация
Կուզես սուրբ եղիր.
Մե՛կ է, թե անուն ուզեն կպցնել.
Կպցնելու են:
Ամենքի համար վառվող մոմ եղիր.
Մե՛կ է, թե չուզեն արածդ հիշել,
Մոռանալու են:
Կուզես ողջ կյանքդ լավություն արա,
Բայց տե՛ս, չփորձես մեկ անգամ մերժել.
Դա են հիշելու:
Ինչ կուզես, արա՛, թե բախտ
Չունեցար սիրված լինելու,
ՈՒշքի ե՛կ, ո՛վ մարդ,
Հո չե՞ս գնալու ու սեր մուրալու:
Ճանաչի՛ր կյանքը, ապրի՛ր համընթաց,
Իզուր ման մի գա աչուկներդ թաց:
Ժպտա՛ աշխարհին, վայելի՛ր կյանքը,
Հոգուցդ վանի՛ր ցավն ու տանջանքը:
Ընդունի՛ր կյանքը ինչպիսին որ կա,
Ճիշտը հենց դա՛ է, Աստվա՛ծ է վկա:
Հոգուդ մի՛ վերցրու աշխարհի ցավը,
Չէ՞ որ վատի հետ միշտ էլ կա լավը:
Թե հոգիդ հաստատ լավին է ձգտում.
Դու այն կգտնես ամեն մի քայլում:
Թե վատը հոգուդ մեծ ցավ է բերում,
Լա՛վը փայփայի քո ազնիվ հոգում:
Փորձի՛ր աշխարհը քեզանով փոխել
ԵՎ այն քո լույսով քիչ լուսավորել...
Սիլվա Գուլանյանի
02:00
Следующая публикация
Комментарии 1