Предыдущая публикация
Ражаство – час дарыць дабрыню.
У раённым цэнтры культуры прайшоў дабрачынны канцэрт “Пад белым покрывам Ражаства”.
Усе сабраныя сродкі ад дабрачыннага канцэрта будуць накіраваны на набыццё абсталявання для пакою правядзення рэабілітацыі ў аддзяленні сястрынскага догляду райбальніцы.
“Сённяшняе мерапрыемства яшчэ раз пацвярджае, што ў нашым раёне многа людзей, здольных да спачування, любові да бліжняга, здольных падзяліцца цеплынёй сваёй душы”, – адзначыла падчас віншавання землякоў намеснік старшыні райвыканкама Ірына Шалахава.
Благачынны Шумілінскай акругі протаіерэй Фёдар Пучынскі і настаяцель касцёла Маці Божай Фацімскай Яўген Шымановіч расказалі пра свята Ражаства, пажадалі ўсім божай міласці, міра і дабрыні ў душы.
Дабрачынныя мерапрыемствы ў фае цэнтра культуры правялі прадстаўнікі цэнтра карэкцыйна-развіваючага навучання і рэабілітацыі, раённых арганізацый ГА “Беларускі Чырвоны крыж” і “Беларускі фонд міру”, Дома рамёстваў, валанцёрскага атрада СШ №1 г. п. Шуміліна, храма Мікалая Цудатворцы.
00:26
00:48
00:43
00:35
00:37
00:35
Следующая публикация
Комментарии 1