Предыдущая публикация
ღ ANA ღ
Olsada dünyada hər çürə nemət,
Anadan dəyərli heçnə görmədim.
Kainat içində ən varlı sərvət ,
Ana varlığından başqa görmədim.
Anadır məhəbbət, sevgi günəşi,
Anadır mərhəmət, şəfqət şöləsi,
Anadır bəşərin həyat tövhəsi,
Anadan sevimli varlıq görmədim.
Tanrının ən gözəl sözləri odur,
Cahanın ən təmiz məkanı odur,
Varlığın məqsədi, məramı odur,
Anadan vəfalı bəşər görmədim.
Ana qucağıdır həqiqi cənnət,
Ana nəfəsidir ömrə səadət,
Ana gözləridir sonsuz ülviyyət,
Ana şəfqətindən doyan görmədim.
Doğmalardan doğmadır, göylərdən təmiz,
O, elə əzizdir, müqəddəs əziz,
Saflığı, paklığı dənizdir dəniz,
Anasız kimsəni xoşbəxt görmədim.
Следующая публикация
Нет комментариев