Дардим айтай, Онажоним, ёмонларга кўп йўлиқдим,
Меҳрингизни туйдим она, барчасини енгиб ўтдим.
Қалбимдасиз, ёнимдасиз, оқиб турган қонимдасиз
Ёруғ кунлар келишини, Сиз айтгандай, бардам кутдим...
Ортда қолди, ғамнок куним, яхшилар бўлди йўлдошим,
Она бугун бахтлидирман, кўтаргайман мағрур бошим.
Аллоҳ берган дилбандларим - атрофимда меҳри бисёр,
Элим ардоғи йўлдошдир, улар билан ҳалол ошим !
Менга кормас энди отган ғанимларнинг ўшал тоши,
Ғам-аламлар ҳам йўлолмас, иродамдан эгик боши.
Музаффарман - ғолиб ўзим, ерда қолмас бирор сўзим,
Энди чиқса фақат чиқар қароғимдан севинч ёши !
Дуоингиз ижобатин кўрдим онам, ҳар онимда,
Ўзингизсиз дил қувончим, йўғимда-ю ҳам боримда.
Набирангиз айтган ўшал ҳар бир ширин каломинда
Борсиз онам, қалбим чертган дилкаш сеҳрли торимда !
Присоединяйтесь к ОК, чтобы подписаться на группу и комментировать публикации.
Нет комментариев