Предыдущая публикация
ՀԱՍՄԻԿ ԴԱԴԱՄՅԱՆ
Ծնվել Է 1970 թվականի սեպտեմբերի 3-ին Արարատ քաղաքում:
1990 թվականին գերազանցությամբ ավարտել է Արարատի Ինդուստրիալ տեխնոլոգիական տեխնիկումը:
1994 թվականին ավարտել է Երևանի Առնո Բաբաջանյանի անվան երաժշտական մանկավարժական ուսումնարանի վոկալ բաժինը:
1998թվականին ընդունվել է աշխատանքի Արարատ քաղաքի մշակույթի տանը, որպես խմբավար և զուգահեռաբար մինչ օրս երգում է Արարատ գյուղի սուրբ Հակոբ եկեղեցու երգչախմբում:
Այժմ սովորում է Երևանի Խ. Աբովյանի անվան հայկական պետական մանկավարժական համալսարանի կուլտուրայի ֆակուլտետում : Մի շարք գրքերի հեղինակ եմ: Արժանացել է մրցանակի՝ Բեմ միավորման կազմակերպած հեղինակային պոեզիայի 1-ին հանրապետական փառատոնում:
ԱՖՈՐԻԶՄՆԵՐ
***
Ճիշտ մարդը թեկուզ աթոռ չի ունենում, բայց որտեղ էլ նստի՝ աթոռատեր է:
***
Իսկական քահանան խաչը մինչև իր վրա կրելը, պետք է խաչը կրի իր ներսում:
***
Համբուրիր ոչ թե խաչը, այլ այն մարդու ճակատը, ով խաչը կրում է իր մեջ:
***
Անցիր կրակի միջով և կրակ կդառնաս:
***
Որքան հզոր է հոգին, այնքան մեծ է ասելիքը:
***
Ասելիքը ծնվում է դիպվածից:
Ասելիքը սովորական չէ, եթե դիպվածն էլ արտասովոր է:
***
Ինձ համար ղեկավար հասկացություն չկա: Կա միայն լավ և վատ մարդ, որովհետև լավ մարդը հարյուր լավ ղեկավար արժե:
***
Աշխատանքը գեղեցկացնում է մարդուն, եթե այն չի դառնում ,,ճիտին պարտք,,:
***
Հոգին լույս ունի, բնավորությունը՝ կրակ: Կրակը խամրում է, երբ պակասում է լույսը:
***
Ճաշակը բնավորություն է թելադրում:
Следующая публикация
Нет комментариев