Предыдущая публикация
Умримда жуда кўп ёлғон гапирдим,
Ваъдалар айладим чўкка тушиб тиз.
Йўлимга интизор бўлди қанча қиз,
Мен эса севмасдан ўттизга кирдим...
Ортга боқишга ҳам қўрқаман энди,
Қайрилсам, ширин жон қийналаверар.
Туйғулар туғилди, туйғулар сўнди,
Мен кезган боғлардан бир видо келар.
Ёдимда қолгани бир хира юлдуз,
Тунлари кўзимга термулади жим.
Кўнглим чаманига баргин тўкар куз,
Мен сени излайман исмсиз севгим...
Илк севги — энг баланд шохдаги олма,
Мен унга интилдим, етмади қўлим.
Сенга бахт тилайман, майли, ким бўлма,
Кунларинг хайрли бўлсин, севгилим.
Следующая публикация
Комментарии 4
Misrani ajoyibligini...