Предыдущая публикация
ТУРМУШ ЎРТОҒИНГИЗ ҚАНДАЙ ИНСОН?
Саволларга “Ҳа”, “Гоҳ-гоҳида” ёки “Йўқ” деб жавоб беринг.
Азиз эркаклар, айтинг-чи, рафиқангиз:
1. Уйда эски халатда, доим сочи тўзғиган ҳолатда юрадими?
2. Сиз унинг айби билан доим ишга кечикасизми?
3. У бўлар-бўлмасга кузғаверадими?
4. У уйдаги тозалик, озодалик ва саришталикка эътибор бермайдими?
5. Телефонда узоқ гап сотиб қоладиган одати борми?
6. Овқати бемаза, палови доим шўр ёки тузсиз, ҳеч бўлмаганда таги оладими?
7. Сартарашхонага боришни хуш кўрадими?
8. Ширинликни яхши кўрганидан (ёки ҳаддан зиёд овқат еганидан) борган сари семириб кетяптими?
9. У фақат янги кийим, тилла тақинчоқ, гап-гаштак, меҳмонга бориш ҳақида ўйлайдими?
10. Телевизорда қизиқарли фильм ёки футбол томоша қилаётганингизда тез-тез савол бериб чалғитаверадими?
Энди, муҳтарама аёллар, қуйидаги саволлар сиз учун. Сизнинг эрингиз:
1. Бўш вақт топди дегунча фақат диванга ёнбошлаб телевизор кўрганча дам олиб ётадими?
2. Дастурхон бошида сигарета қолдиқлари қолдирадими?
3. Кўп овқат ейдими?
4. Кийимларини жойига илиб қўймайдими?
5. Уйга келиб, қисқагина: “Яхшимисизлар”, дейиш билан чекланадими?
6. Ҳеч қачон ахлат челакни тўкиб келмайдими?
7. Дам олиш кунлари уй-рўзғор юмушларига қўл уриш ёки оилавий бирор жойда ҳордиқ чиқариш ўрнига аллақаёқларга чиқиб кетгунча кечқурун қорни тўқ, бир оз ширакайф ҳолатда кириб келадими?
8. Сиздан кўра ўзининг ошналари-ю қариндош-уруғини қадрлайдими?
9. Уйга пойабзалини артмасдан кириб, ҳидланган пайпоғини дуч келган жойга ечиб кетаверадими?
10. Тўшакка сиздан олдин ётиб, доим ухлаб қоладими?
Балларни қуйидаги тартибда ҳисоблаб чиқинг:
“Ҳа” жавобига – 3 балл;
“Баъзан” жавобига – 2 балл;
“Йўқ” жавобига эса – 1 балл.
0 дан 10 баллгача:
Сизнинг умр йўлдошингиз идеал. Унга тил теккизиб бўлмайди! Қадрига етинг...
11 дан 14 баллгача:
Сизнинг умр йўлдошингиз ақлли, мулоҳазали инсон. У тинчликсевар ва бағрикенг, бироқ озгина эринчоқлиги ҳам бор. Унга фақат яхши гап таъсир этиши мумкин.
15 дан 19 баллгача:
Умр йўлдошингиз баъзан руҳий тушкунликка тушади. Феъли торроқ, бир оз жаҳлдор бўлиб қолган. Бунда сизнинг ҳам айбингиз борлигини ўйлаб кўринг.
20 дан 24 баллгача:
Оилавий тушунмовчилик, жанжалларнинг сабабчиси – умр йўлдошингиз. Бунда сизга бирор маслаҳат бериш қийин. Ҳар кимни ўзига инсоф берсин!
25 дан 30 баллгача:
Очиғини айтганда, умр йўлдошингиз майдакаш, мижғов, сергап ва инжиқ одам. Албатта, буни ҳазил деб қабул қилишингиз мумкин. Аммо ҳар қандай ҳазилнинг тагида ҳақиқат ётади.
Следующая публикация
Нет комментариев