Предыдущая публикация
Нигоҳларинг дилга солар чўғ,
Бир кўрдим-у ҳаловатим йўқ,
Киприкларинг жон олгувчи ўқ,
Қаро қошинг камонми, жоним.
Сен кетдинг-у ёр бўлди фироқ,
Соғинасан келмайсан бироқ,
Ё масофа шунчалар йироқ,
Ҳаста жонинг омонми, жоним.
Ғам-андуҳни ичингга ютиб,
Ёлғизмисан ўттиздан ўтиб,
Мен ёмонни келишин кутиб,
Ранг-у рўйинг сомонми, жоним.
Жонга малҳам овозинг майин,
Тўкиляпман соғинган сайин,
Бу кетишда аҳволим тайин,
Ишқ шунчалар ёмонми, жоним.
Балки бахтдан очилдинг гулгун,
Кўргим келди қанчалар бугун,
Юрагимда ечилмас тугун,
Ё ҳаммаси тамомми, жоним.
Присоединяйтесь к ОК, чтобы подписаться на группу и комментировать публикации.
Нет комментариев